如何創立漫畫出版社

香港是自由經濟、出版自由的地方，你要做出版只需要有商業登記證便可以開業。

出版漫畫與其他出版社的商業模式並沒有分別。

留意事項：
做出版要留意幾點：
1. 出版用的稿件係需要做設計、排版、編輯、校對等工作
2. 製作好書籍後要搵output公司輸出印刷用的菲林
3. 搵到印刷公司印刷書刊
4. 要搵到發行公司把書籍發行到書店等
4a. 書刊發行分報攤、書店、漫畫店、便利店等
4b. 不同書刊要看目標讀者，發行方式不同，成本、回本、數期都有好大分別

出版書籍成本可大可小，最重點係你想書籍的印刷方式如何：
1. 書刊的尺寸
2. 書刊的頁數
3. 書刊的用紙(書紙、粉紙、厚紙、簿紙)
4. 書刊的色彩(單色、雙色、4色、還是部份單色、部份雙色、部份4色)
5. 書刊的印刷數量
6. 書刊的包裝(釘裝、膠裝、硬皮、軟皮、線裝等)

以上6點就最影響印刷、製作等成本，每一項都係變數，就好似數學咁，A x B x C x X x Y x Z=成本，你最好係市面搵一本跟你想要的印刷方式一樣的，找印刷公司對著這書為你報價。

其他事項：
你以上問題明顯你冇做過出版，因為要搞發行並唔係一時三刻可以搞到的，你就算開了出版社，都唔一定有發行肯為你做，因為新出版社、新作者，無市場保證，發行商可能怕白做，所以唔一定有公司肯搞。
另外依家好多零售商都係用barcode收銀機的，所以所有商品都要有barcode，唔信你可以去便利店睇下，所以貨品、書籍都一定有，如果你冇barcode，好多店舖你都發行唔到。
要做barcode係要入會，要睇公司人員數目，入會費之餘仲要俾年費，仲要上課的。

我個人就提議你去搵多些資料，搵多d製作公司、印刷公司、發行商傾多d，做出版唔係咁簡單的。

如果你自己是由其他創作人手中取得版權而想在港發行漫畫，你要先成立自己的公司。 往後，你要找銷售渠道，一般會去Circle K或者7-11。 你想去報紙檔就比較複雜，因為每一區報紙及雜誌分發由區頭負責，你可以去報紙檔問區頭聯絡。
祝生意興隆！

俾錢，人攪公司