✔ 最佳答案
本人剛剛買了一個二手居屋480呎, 亦已裝修好, 沒有將廚房裝修, 大約用了5.5萬(連工包料朋友價), 街價約7-8萬.
買樓時當然要留意有無漏水包括窗枱天花, 如果樓上業主已做好防漏就無事啦! 不如講你知我間屋做過d咩, 等你有個預算:
將原有睡房牆改位, (磚牆)新牆要舖牆磚, 全屋天花牆身產底油油, 重舖全屋地磚做硬底, 全屋換銅水管, 廁所改去露台, 舊廁所在露台旁邊, 一牆之隔. 要舖牆磚, 舊廁所改做細房, 全屋新電制約10-15個, 有些地方要重新拉線, 加天花線, 大門換門及框, 兩房及廚房只換門, 換鋼閘, 銅水管, 電線做暗線, 不會外露.
如果你要裝修廚房, 15萬絕對有多, 我建議你找一些設計公司(包做裝修)比一個詳細計劃及報價給你, (多過15萬你都唔洗理佢), 可以唔洗煩. 我就無搵設計公司, 仲自己去買料, 有些去深圳田貝買, 比香港平好多, 好似燈, 我買了5個都係400-500元, 香港一個都唔止啦, 馬桶(連體式不是分體), 洗面盤, 花洒, 水龍頭2個(有冷熱水)及幾個毛巾架等等約1000元, 全部係中等料, 不是流野. 其實裝修公司都會去大陸買料, 不過佢地有相熟公司包送貨, 如果你自己去買, 數量不多的可自己拖車仔返黎, 多的話可叫貨運公司一次過送貨, 你可向你買材料的公司查詢. 不過自己跟就會好煩, 但所有野都可按自己心意去做.
希望可以幫到你................
2007-02-23 14:06:43 補充:
如窗邊有漏水, 去五金店買漏補王, 在天晴時塗在窗外, 待乾了再塗多二三次, 保險些可再塗玻璃膠. 我家亦是這樣做.很簡單!