由澳門關閘到珠海海泉灣神秘島怎麼去 ?

我今日岩岩去完神秘島返黎~我就覺得跟旅行社好d啦~因為我就係冇跟團自己由香港去澳門再係澳門去珠海~係澳門就搭的士去關閘用左45蚊港幣-跟住過左關由珠海碼頭去神秘島要搭的士呀~因為果d旅遊巴搭個半鐘架,仲有d內地人都唔興排隊,有車黎果時就係咁匆~我知道自己唔夠佢地爭又唔想太辛苦因此就選擇左搭140蚊的士入去~(要講好價錢先好上車呀),去到神秘島就110蚊(人民幣)入場費,入到去就乜都包晒~食野就緊係唔包啦.不過仲有d水上單車,碰碰車都係要另外比錢既,但係大部份既機動遊戲都係唔洗錢架,我個人認為係好玩過香港既廸士尼架~~跳樓機同過山車,我玩完簡直係腳都軟埋..玩完過山車仲面都青埋添呀~哈哈-但anyway 真係算唔錯,好好玩..我就係覺得車費貴姐...所以下次我再去一定會跟旅行團~~

2007-02-22 18:37:00 補充：
我係搭的士架~~又係要講左價先好上車呀~我都係140蚊~但係有冇的士就要睇下你好唔好彩啦~因為我問d的士司機話冇的士吉車入去兜客架~我建議你就入去果時搭果架的士約好果位司機大概幾點去接你仲好啦~~因為如果冇車都幾麻煩~~我下晝四點四十五分開始走~返到去上環都要八點呀~果晚我就好采睇埋煙花先走架~~係呀,你記得換好人民幣呀~珠海唔收港幣架~~祝你有個快樂旅程啦...新年快樂!!