關於文員問題?

一般文員要求中五會考最少中、英文合格
打字冇分用速成or倉頡，除非僱主特別指明要求識倉頡or佢公司只有倉頡輸入法
有0的請文員只係做0的好基本&簡單既工作可能唔駛經驗
如果個聘請廣告只寫要求中五程度、無需經驗、薪高、抄寫工作等
就有可能係0的類似夜總會地方，你做一段時間就要求你附加額外工作
eg：陪唱、陪酒等等(我有個朋友試過)
所以你搵工時要小心0的
另外我覺得讀多張文憑沒有什麼壞處，或者你讀0的你自己有興趣既科目咪唔會覺得浪費時間，雖然文員只係一個好普通既職業，但係有文憑程度既點都會人工高0的
專業0的例如會計文員、船務文員、採購文員等就更加不用說，人工一定多0的
我建議你視乎你自己想讀邊科&想向邊方面發展而選擇讀乜0野dip.
始終前途係你自己既，希望以上解答可以幫到你啦。