北京自由行注意事項

我 2006 年 2 月去過呀 !!! 希望幫到你 !!
第一日: 我 12 點香港機, 去到北京都 4 點了, 返到酒店 settle down 7 點. 冇左一日. 去左酒店對面的便宜坊烤鴨食晚飯. 之後去左王府井行左個轉
第二日: 天安門, 故宮, 9 點出發, 行到 4 點幾... 故宮超大, 行到腳軟. 晚飯都係去王府井攪掂, 順便係王府井小食街的金水橋旅行社報當地一日團去長城同十三陵 (130 人仔一位, 包一餐, 入場費同車費, 抵到爆 !!!)
第三日: 我去左天津呀....
第四日: 長城同十三陵. 7 點半集合, 一直玩到 6 點. 其間十三陵同長城加埋大約 5 個鐘, 車上時間 2 個鐘, 其餘時間當然帶你去買野, 咁當然我亦一蚊都冇用過啦 !!! (唔會有人比面色你睇, 或掉低你的) 仲有係唔需要導遊費. 130蚊, 入場 + 車費都唔得啦 !!! 餐飯就差左 d, 將就住, 晚上返北京依餐勁好過...
第五日: 天安門睇升旗, 跟住返酒店, 因為我又係 12 點飛機, 所以 9 點就開始入機場,. 北京機場 check in 超亂 !!! 真係最好 3 - 4 小時前到呀, 我早 3 小時到, 只係剛剛好, 攪掂晒後已經開始上機了...
北京有咩好食, 一個人真的好難安排的....

便宜坊烤鴨, 我覺得佢好似過全聚德 BOR... 隻鴨大隻到死, 5條友只係剛剛食得晒... 漕溜魚片超滑, 好正... 5條友, 350蚊埋單, 食到捧住走... 食飽仲可以過對面既大型新式商場行下... 正 !!! 地址: 崇文門外大街, 崇文門菜市場對面.. 崇文門地鐵站出左後向右望就見到, 搭係王府井打的去20蚊
花家怡園... 嘩, 超好食... 如果佢係香港開分店一定排晒長龍, 滔滔都行開 !! 我地5個人叫到成圍都係先係2舊幾水... 佢連一碗"擔擔面" 都好食過人架.. 死未... 地址: 東直門內大街235號... 好似24小時營業架 !!!... 不過搭的去啦, 行好遠先有地鐵... 王府井打的去30蚊
東來順唔駛去... 把屁 !!!! 香港88蚊任食仲好味 !!!
王府井小吃街的小吃, 但又不太特別...
市內一般地鐵就可以, 3 蚊一程, 如果打的, 記住坐車頭呀
北京今年天氣一反常態, 不太凍, 相信只會和香港前排 12 - 13 度左右差唔多. 北京的凍也不濕, 也 ok 的舒服
一個人旅行, 多人的地方請特別小心...

應該問題不大, 北京機場有很多旅遊資料站, 亦有好多到市區的公共汽車。北京現在應該是冬天/春天交替中, 今年的氣溫較暖, 但較潮濕及多霧, 如上長城時最好帶備雨衣及頸巾, 因長城上較大風。 王府井大街晚上有很多特色的小吃攤檔, 什麼燒羊肉, 炸蝎子等都有得吃,但要小心衛生, 很容易肚瀉。旁邊亦有很多吃餃子, 拉面的店子。市內亦有很多公交車到不同景點, 如果不想浪費時間, 可包車(但要小心)或找酒店安排local　ｔｏｕｒ，在街上亦有很多人向你派咭片，他們大都是一些自營車司機，選擇時要小心。

ｐ．ｓ．　如遊十三崚，可留意路旁兩邊種滿桃花及梨花 ，現在正值開花時間，　應該很漂亮

帶足夠錢.......路在口邊.......小心皮包證件......勿搭白牌車.......