我想問點樣伸請網上投資戶口?

建議你去中銀香港/南商/集友 開股票戶口，如果你冇買賣，戶口冇股票，基本上完全冇費用，連 savings 戶口既最低存款額都冇 min balance (因為有股票戶口，所以savings 既最低存款額都免咗)

如果買左股票係度，賬戶每年5月及11月最後營業日賬戶結存計收，保管費 每手HKD0.15 min HKD100.00 (即係你到收費期前賣哂d股票就唔駛收，不過如果賺既，照收亦好平之嘛)

買賣股票既費用：經紀佣金、 0.1%印花稅、0.004%證監會交易徵費 、0.005%香港交易所交易費，咁佣金間間銀行都唔同，中銀集團既收費係:
每筆網上/電話交易(不經人手接聽) commission 係 0.15% (標準係0.25%，一路都話係優惠期內會係 0.15%，個優惠期一路都冇stop，我自己都用左三年)，最低收費 $80 蚊
其他銀行既理財戶有少部份收 0.125%，但係最低收費要 $100 蚊，而且個理財戶要 keep 5-10 萬既存款係度，咁交易金額唔太大，現金唔多既話，中銀都算好抵


股票戶口可以係櫃位/電話/網上買賣股票(要同時要求銀行開埋電話理財功能，之後自己係網上登記啟動)，同個職員講你想開，佢會幫你攪架喇。你去開戶口，就要帶：1. 身份證; 2.住址證明 (一般要三個月內); 3. 錢 (用黎開 saving 戶口)

中銀網上每月都有 500 次免費詳細報價，如果係用簡易報價 ，基本可以任查 ，
詳細報價好好用，有股票既所以基本資料，有新聞，相關認股證、買入/沽出盤之數量/金額、市場成交等等

登入網上理財去睇股票資料，大路資料有好多，如：主要指數 (恆指、國企、中企、創業版等)、市場新聞、最活潑港股(成交額、成交量等)，好多資料睇

如果有買賣 (交易金額累計大於 $50,000)，就加 200 次，比多d機會你緊貼市場動勢！


所以我推介中銀囉，我自己都用緊！


另外，如果你想用提款卡，佢地的一種戶口叫做 "提存易"港幣儲蓄賬戶，可以豁免“中銀卡”(提款卡) 年費，不過呢隻戶口係唔可以係分行櫃檯提款 (要收手續費)，存款就可以，咁咪連另外攞 atm 卡個 $50 都慳返囉！



希望上述既回答幫到你啦！

好答案

中銀開個戶口，同個職員講開埋個股票戶口
咁就可以用裡面既錢做交易，可以係網上即時報價（每月有quota)，交易．

我開既時候，如果個一年有交易過，不論存款幾多都唔需要收最低消費，而家唔知！
而且中銀既交易手續費都好似比其他銀行便宜

去匯豐銀行開返個運籌理財戶口
每月平均計有10萬以上唔收任何手續費
如戶口只有 1萬-9萬9千9 就每月收 $20
1萬以下 每月收 $80

運籌理財戶口包括有 : 支票戶口，投資服務(即股票戶口)，可以上網做股票買賣,港元儲蓄
放股票入倉 (即係放入你個投資服務戶口) 每半年收 $100 倉費

我自己都開左，勁好用^^