難受的感覺

你有這種感覺, 因為你們的愛不夠深
一開始, 我對個男仔都有少少呢種感覺
發現佢有好多缺點, 好多野都唔太鐘意, 仲試過憎佢
不過拿勇氣去投入愛, 慢慢你就會發現佢有佢獨特之處, 慢慢會欣賞佢既優點, 包容佢既缺點
如果你唔可以花時間同耐性去愛一個人, 你好難會有長久既愛情
呢個世界唔會有完美既人
你見到對方既缺點, 對方亦會知道你既問題
問題係, 大家之間存在真愛, 用溝通, 時間, 耐性去栽培愛
咁樣你就唔會成日都有呢d負面感覺

p.s.不過見你應該好細個, 拍拖既野, 順其自然先啦
而且同你差不多年紀既男仔, 思想會更幼稚, 唔係太識點去愛女朋友架喇

其實我都試過有同樣既感覺~
但你可以試下繼續拍拖,
慢慢可能會無呢種感覺!
或者當你有呢種感覺果陣做其他野,分散注意力.

最主要係你識得看得開同埋思想成熟d。

第一，你介意自己平凡
但其實平凡先係最好：
外表太吸引d人都唔知係愛你定愛你個樣
太差又難有人要
太特別男仔好難去配合你，更覺你難接近
再者，大多數都係木門對木門，竹門對竹門，
有錢的配返有錢的
玩玩下的配返玩玩下的
認真的配返認真的
你平凡咪配返平凡的囉
咁夾先會有好結果
同埋...平凡的人市場重大啦！

第二，你怕佢出面有第二個女人
真正愛你的唔會去比
因為佢愛的係你個人，唔係你做到邊個的替身。
女仔一定要有信心，就算以前的女仔可能真係有野比你好
你都一定有野比佢地好，個天好公平。

第三，你知今次衰咩，就一定要改
疑心大要學識看開d
知你愛佢先緊佢，但人要有空間，
你都唔鐘意人管啦！

下次拍拖，要有好溝通最重要，
先了解佢個人，了解佢鐘意咩方式的生活，再盡力去配合佢，
但千萬唔好迷失左自己。
重知要乜都同對方講，100%信任，100%了解。

失戀係辛苦，
但唔好咁快去下一次，
要好好冷靜，讓自己清楚自己，冷靜好先投入下一次，
要對下一個愛你的人公平呀！

送古巨基的《飄流教室》俾你，
留心歌詞，祝福你下一次的愛情。

*仲有,唔好成日去諗佢!!