我想問book 左係公立生, d 醫生會唔會比鈣片同鐵片比我食架 ?

醫生覺得有需要先比你食,我第一胎係twins,佢地有比我食,第二胎得一個b就無喇,但後黎我有貧血,佢地先比我~
但係我都無咩點食,因為食得多鐵丸,d便便係黑色,而且仲會便秘,我食左幾日都無食lu~
仲有,果d唔係鈣片,係葉酸呀~
其實好多食物都有好豐富既營養,e.g:波菜有好高既鐵質,士多啤梨同奇異果有好高既葉酸,而車厘茄等紅色既蔬果可以補血,奶類都有好高既鈣質...等,只要食得健康,係一定會夠營養提供比你同bb,而且大肚期間bb"責"住膀胱,好易便秘~食多d蔬果,可以舒緩到這種情況!
食咁多營養補充品未必好,而且吸收過多對大人同bb都唔係咁好,而且最後過多既營養都係排出體外~咁點解唔係食物入面吸收呢?
如果真係唔放心,怕大人同bb唔夠營養,可飲孕婦奶粉,會提供到足夠既營養!
如果你係堅持要食既,可睇一次私家醫生,配岩份量,之後再到藥房配~

公立醫院冇鈣片及葉酸提供, 我兩邊都有覆診, 私家同公立. 鈣片及葉酸由私家醫生提供. 如果想食葉酸可以自購, 私家醫生話葉酸只有一種.

我在私家醫生做產檢, 及在私家醫院生, 鈣片是要醫生給小小試食, 沒有問題, 自己去藥房購買, 是惠氏出產, bb出生已差不多四個月, 很健康, 而私家醫生對我說, 鈣片一定要食, 我覺得你最好問清楚醫生食款會最好。

我最近有朋友在公立生, 佢話醫生無比鈣片佢食. 自己去買無問題, 最重要係看清楚成分同在那裡製造 (美國或其他歐洲國家便ok), 在watson's 或萬寧買比較穩陣. 你甚至可以買左之後, 在下次覆診時比醫生看, 確保沒有問題. 康鈣c主要成分係維他命C, 多食沒有好處. 我上次懷孕, 有些傷風. 我阿媽叫我食康鈣c. 之後問醫生, 醫生話食太多維他命C對BB反而不好.