唔同品種o即龜係咪可以放埋一齊，邊到有野生o即龜捉。

龜有病就去魚店買支"龜精靈"或者"龜康寶"果類藥浸吓佢就得啦！
唔同品種嘅龜放埋一齊，就要睇吓咩野品種。將隻鱷魚龜同隻巴西龜放埋一齊就梗係唔掂啦！不過如果係貴重品種最好就獨立養，因為龜好鍾意咬其他龜嘅尾。
養營方面，水龜會比較簡單，餵魚仔蝦仔同魚糧就ｏｋ。至於陸龜就麻煩ｄ，因為陸龜係食菜嘅，所以要響食物加入鈣粉，仲要照ＵＶＤ燈加強鈣質吸收。
至於捉龜，我勸你都係唔好諗喇！香港捉野生龜係犯法嘅，比漁護署捉到罰得好勁！我估你都係想去捉金錢龜啫，我可以話比你知，香港有野生金錢龜出沒嘅地方都有人”插咗旗”，試過有人”唔知碇”入去捉，結果比人打到變猪頭，除非你行行吓山有隻野生金錢龜碌出黎，你執咗佢袋落袋即閃，千其唔好諗住特登去捉呀！