第一次點買股票?債券?

投資 (買股票/債券) 係有相當風險，股票/債券價格可升可跌，先要睇下你可唔可以承擔幾多損失。如果你係新手，建議你將自己的流動資產 (錢) 的小部份 (約 1/4 至 1/3 先買下)，另外睇定個市場情況，睇緊2-3隻股票既走勢，諗清楚先至好買。 當有利潤同埋熟悉股市後，先至好買多d，不過都唔好多過 1/2的資產就穩陣。

首先，買股票可以係市場購入或者認購新股。認購新股就要睇下有冇新股上市，有的話去收票銀行取 form (個d叫白表)，填好表格及支票 (要用自己的支票)/銀行本票，入回收票銀行，就可以認購，一般新股上市之前的一日就會公佈認購結果，會係招股書上提及的報章登出認購結果，而同日股票會經郵遞寄出，如果抽唔到，亦會寄回退票。

而如果你係直接買市場的股票，一係去證券行開戶，一係就去銀行。開左戶口，就可以按銀行的交易模式 (如：電話/網上) 進行買賣文易。

建議你去中銀香港開股票戶口，如果你冇買賣，戶口冇股票，基本上完全冇費用，連 savings 戶口既最低存款額都冇 min balance (因為有股票戶口，所以savings 既 min 免咗)

買賣股票既費用：經紀佣金、 0.1%印花稅、0.004%證監會交易徵費 、0.005%香港交易所交易費，間間都係以呢個費用收.....咁佣金間間銀行都唔同，中銀集團既收費係:
每筆網上/電話交易(不經人手接聽) commission 係 0.15% (標準係0.25%，一路都話係優惠期內會係 0.15%，個優惠期一路都冇stop，我自己都用左三年)，最低收費 $80 蚊
其他銀行既理財戶有少部份收 0.125%，但係最低收費要 $100 蚊，而且個理財戶要 keep 5-10 萬既存款係度，咁交易金額唔太大，現金唔多既話，中銀都算好抵

股票戶口可以係櫃位/電話/網上買賣股票(要同時要求銀行開埋電話理財功能，之後自己係網上登記啟動)，同個職員講佢會幫你攪架喇
開戶口都要帶住址證明(三個月內)， 如果你已經有 savings account ， 咪唔駛再攞錢去開 saving 囉， 咁緊係要自己本人同埋帶身分證啦

網上每月都有 500 次免費詳細報價，如果係用簡易報價 ，基本可以任查 ，
詳細報價好好用，有股票既所以基本資料，有新聞，相關認股證、買入/沽出盤之數量/金額、市場成交等等 .....登入網上理財去睇股票資料，大路資料有好多，如：主要指數 (恆指、國企、中企、創業版等)、市場新聞、最活潑港股(成交額、成交量等)，好多資料睇

如果有買賣 (交易金額累計大於 $50,000)，就加 200 次，比多d機會你緊貼市場動勢！

所以我推介中銀囉，我自己都用緊！


希望上述既回答幫到你啦！





2007-02-17 15:43:15 補充：
唔記得講債券添，其實，債券都係要經銀行買入，如果你以係銀行開左股票戶口 (例如中銀)，其實佢地呢隻叫做證券戶口，所以證券/投資的交易都經此戶口買賣的，例如：股票/債券/基金，咁你睇左邊隻債券有興趣，開左戶口咪可以買囉

買股票相當高風險,先別講如何買股票,先問自己能成擔幾多損失,並非買股票一定賺.再者問自己有無時間睇市.看自己是否有適合投資買股票.
我希望你能在股票市場大勝.

去銀行問問職員，便有人教你。