點樣可以踢一個人出局但係又唔會hurt到佢﹖

我同另外兩個同學一齊做project, 其中有一個咩都唔做﹐
我同另外0個個同學0係到做到頭都爆佢竟然logout左部電腦左0係側邊望住我地
(我地有4樣野要做﹐全部要用電腦做)
甘我叫佢打我地D答案落電腦度啦(淨抄)佢竟然唔肯﹗

之後仲激到我死﹐第二個禮拜我同佢早左上課室﹐我自己take notes, 佢就上網﹐
佢上上下可能無咩睇﹐就望住我睇下我做咩....
我問佢做咩﹐佢話好悶無野做﹐我話甘不如你打埋上次D答案啦
俾晒D野佢﹐我繼續做自己野﹐之後發覺﹐佢係開左個file呀
不過係托住個腮﹐望住個mon, 咩都無做﹗
最後佢交左份野俾我﹐執都唔執下﹐原全交唔到0個隻
甘咪又係我執囉...
---

問題就係﹕
呢班又有新project喇﹐我同另一個做野既同學都唔想再同0個個
同學做﹐我地兩個人自己做﹐但係0個個同學就諗住我地會一齊做

我地應該點同0個個同學講話唔同佢一組﹐但係又唔會hurt到人呢﹖
定係我應該直接了當甘同佢講呢﹖

希望各位可以幫到我
“十分”感謝 ﹕)