✔ 最佳答案
以上答案全部都錯!!!
1)店舖盜竊係可以判坐監既,但係通常都係會罰錢,法官會參考犯人既刑事記錄(即係案底)量刑
一般成年人初犯及認罪,而事件屬於輕微(偷小小野)既都會罰錢,再犯會罰多d錢,多次再犯就會判你坐監
如果未夠十八歲初犯,事件屬於輕微及有悔意,警方可以警司警戒代替法律程序,當中包括留案底及守行為
但有一點要提醒警司警戒只係會有一次,換句話就係如果再犯就一定會交由法庭審理,刑罰就由法官話事喇,可能會罰錢,可能會判社會服務令,可能要入教導所,天知!!
2)報唔報警好睇係咪有人斷正,如果係零食被開過和食過就等如盜竊,就算淨係開過正式都叫做刑事毀壞,而超級市場既政策係唔會姑息有人在超級市場內犯法,一定係會報警,警察到場就算覺得事件輕微亦都要拉人,因為如果唔拉就會係妨礙司法公正,試問有邊個會同你孭呢條飛先?
如果唔係有人斷正,例如只係職員理貨時發現,一般黎講超級市場會睇閉路電視錄影帶睇吓有冇可疑人發現,有既話就會將佢列入黑名單,再供內部傳閱,如果再發現佢出現於超市範圍就會有專人睇實佢,慕求要佢再犯時斷正
如果冇發現,就會將該貨物列為一般損壞貨品處理,唔會再跟進
3)在答案1)已詳細解釋
4)任何人犯罪都一定會留有案底,案底係會跟住個人成世,點都擦唔走,就算係0個d咩改過自新計劃都一樣消除唔到案底(刑事記錄),唔好聽其他人講未夠18歲,有三年清白身就會當冇事發生過
5)最後補充:香港法律有這一定義
任何人未滿10歲推定為沒有犯罪意圖
不過就算係犯法,警察到場都會拉左番警署先,再於警署內在家長在場下作出警告
所以除非你係細過10歲,如果唔係就千其唔好以身試法
一失促成千古恨!!!