✔ 最佳答案
日本嘅鐵路分為公營同埋私營兩種。而公營嘅又分為國營及市營(都營)兩種。
國營鐵路於1987年民營化,成為獨立法人,即現在鼎鼎大名嘅JR會社(即嚴格嚟講,這國營鐵路已非國營)。民營化後,JR分成7個會社,分別為,JR北海道,JR東日本,JR東海,JR西日本,JR四国,JR九州,及JR貨物。
由於以前係國有鐵路,JR擁有嘅鐵路遍布日本全國,而且包括短途同埋長途線路。其中新幹線(即子彈火車)就係屬於JR集團嘅長途火車(例如東海道新幹線,全長515.4公里)。短途嘅,例如東京嘅山手線,係由JR東日本經營嘅。
市營(都營)嘅鐵路通常係喺市中心嘅。例如,東京都政府就經營'都營地下鐵'及'都營荒川線'等。
要注意嘅係,唔好以為地下鐵就喺地方政府經營架播,例如東京,除咗都營地下鐵外,東京仲有條'東京地下鐵株式會社'經營嘅私人地下鐵架。
致於私營鐵路,通常服務中短途,比較有名嘅例如東武鐵道,西武鐵道,東急電鐵,小田急電鐵,等等。私營鐵路嘅公司,通常都會喺自己嘅火車站開埋百貨公司,超級市場,私人醫院等等架。