✔ 最佳答案
哈! 我都係有咗18weeks呀, 重就重咗2.1kg, 即係5磅左右啦! 我問過醫生佢話通常懷孕要重20幾-30幾磅, 頭3個月重2-3kg, 中間3個月重5-6kg, 最後3個月重5-6kg!!
而個腰圍就每個人唔同, depend你係唔係第一胎? 本身係肥定瘦? 但我自己就係第一胎, 而腰圍就係32吋, 比之前多咗6吋!
而個肚方面, 好多人都覺得我個肚大, 可能係因為我之前無肚腩, 所以當2-3個月嘅時候, 我已經feel到個肚凸咗出嚟!
其實如果你真係擔心嘅話, 當你去見醫生嘅時候咪乜都問醫生囉! 因為每個人都唔同, 可能你同我都未必一樣, 如果醫生話正常, 咁就唔駛驚啦!
p.s. 你feel到bb郁未呀?? 我17weeks已經feel到bb响個肚入面郁啦! 醫生都話我好嘢, 因為佢話每個人唔同, 但第一次懷孕嘅媽咪通常會响20-22weeks先feel到!!!
希望你個bb同我個bb都健健康康, 快高長大!!!