沒有結果的感情

首先我係一個女仔，有一個一齊左半年既男友，感情穩定。
今年開學，係班上識左一個女仔，初初對佢冇乜好感，
但識落左，就鍾意左佢。之前都有鍾意過女仔，不過只係好短暫。
岩岩鍾意佢果陣，成日請佢食野，送野比佢（之前冇試過架）
我成日笑笑口同佢講[[好鍾意你呀．愛你呀．掛住你等等]]
開頭我地以老公老婆相稱，我地問過對方好多次係咪真，定係玩，
大家都話認真，大家都想過一齊，但無奈大家都有鍾意男仔。
成日為左對方既另一半而喊，佢成日問我究竟我地係咩關係。
我都好想知。有次我話不如我地一齊，問佢介唔介意，
佢話[[你搞掂你男友先同我講野]]有時係學校見到佢同其他女仔玩埋Ｄ，
又會好唔開心，我寧願佢同男同學玩。佢鍾意左個男仔一排，
我見佢唔開心，想關心佢問佢咩事，佢會同我講，但係關於個男仔，
雖然我八掛想知，但自己聽完返屋企又會喊。我醋意真係好勁。
去過佢屋企幾次，頭兩次我地係張床到，我話我驚自己會錫你，
佢好似撩我咁問[[你敢咩？]]有時又吹氣入我耳仔，我真係好驚。