點解我養的魚經常很快便死去?

水喉水係唔可以直接用o黎換水o架, 因為水喉水入面含有氯氣, 會整死D魚o架, 你應該先準備一桶水放起碼隔夜,如果可以放多一兩日仲好, 目的就係令氯氣揮發,咁D魚先可以慢慢適應到, 再唔係要懶o既話就去魚鋪買支除氯劑, 每次換水加D落去,D魚先襟養o架！

另外每次換水唔可以一次過換晒, 可以每星期換三份一, 咁D魚就唔駛重新適應水質,水溫,每次換水後如水溫變化太大,好容易令到D魚有白點病,蔓延全缸。家陣天氣較涼,你有冇暖管呀！如果冇的話D魚好易病o架。

活性炭係用o黎吸收水中雜質,除臭及改善水色用o既, 應該用網包好放係濾水器入面, 不過活性炭大約一個月就要換一次,以防所吸收o既雜質飽和,反釋出有害毒素.

黑摩利係幾易養o既魚, 生得又快, 只要注意水質及水溫控制,好快就會開枝散葉o架喇！

希望答到你o既問題啦！

2007-02-16 12:22:36 補充：
二樓位碩士朋友, 我唔係挑戰你養魚多年o既經驗, 你閣下都識得講水喉水有氯氣對魚唔係太好, 但你仍然可以用水喉水直接換而冇事, 咁就即係話你D魚已經慢慢習慣o左呢個模式, 但唔係所有o既魚種可以係短時間適應到, 加上你閣下亦講, 咁大個缸要放隔夜水可以放係邊, 咁就證明你個缸都唔細, 水喉水如果唔係一次換太多o既話,以你個缸係容量當然能夠稀釋到氯氣啦！但亦唔係每位魚友都有一個大缸o架！我只係以最傳統及安全o既模式o黎回答問題, 希望可以幫到發問者, 至於能否得分就留俾發問者及其他人o既決定！再次聲明, 本人並非要戰閣下o既經驗, 只係點樣養魚及養水各人方法都不同！

2007-02-16 16:21:35 補充：
哈哈!四呎缸相比海鮮酒家o既當然唔算係大啦！但一般家庭o黎講已經長過一部29吋o既舊式電視又或者37吋o既LCD電視囉！咁算唔算屬於大缸就等各位網友定斷啦！

用水喉水無問題,但你話加活性炭?你點加?活性炭係成包放在濾水器內,唔駛擦開.
仲有,你濾水器夠唔夠力?氧氣泵出得夠唔夠氣?
平時換水,只可換三分一,唔可以換太多.亦唔好換得太密,一星期換一次就夠.
黑摩李好粗生,應該唔難養.

圖片參考：http://www.slfc.jp/mat/dot/dot04/052.gif


2007-02-16 11:40:06 補充：
無錯,水喉水係有氯氣,但只要你唔換太多水就唔會影響倒,我養了多年魚,都係只用水喉水加新水,咁大缸水,你要放在那裡過夜?唔駛o架!我養過鳯凰,而家養龍吐珠,都從來係用水喉水換水.只有試新缸,一定要將全缸水放過夜,之後買一、兩條魚,睇吓啲水質O唔OK.

2007-02-16 14:25:08 補充：
哈哈!我個只不過四尺缸.

你d水有冇過夜?
水喉水唔擺過夜d魚會死
同埋你話加些活性炭入水中?你唔係就咁掉落水呀嘛= =||||
活性炭用黎過濾的....放係個水泵度ga