我隻狗有狗瘟呀.................Help!

狗瘟是一種病毒，獸醫話現時沒有實質藥物醫治，
一般都係狗仔本身製造抗體，去對抗這一種病毒。

我之前都買過一隻狗，兩個月迷你松鼠狗，
情況同你相近似，一回來己經狗瘟病發，
用了接近二千元看醫生，個醫生冇話過狗瘟冇得醫，
一般狗有80%醫得好，但我隻狗年紀太細都只係得50%醫得好。
但都不能灰心啊~
我朋友隻短毛芝娃娃三個月大，
醫生都係話要人道毁滅，但佢地都係靠主人同狗仔的意志打勝仗(不停傾偈)，
她的小狗現在3歲，非常健康。

我建議你先去消委會查看呢間狗舖是否有人投訴的紀錄(係咪黑店)？
但先不要有其他追討行動...然後再同狗舖負責人商討，你膽心狗仔的心情，
看看他們有沒有其他安排，如果情況太古怪，還是先備案。

我的小狗最後都係交還狗舖照顧，事關拖了兩星期，
小狗沒有好轉，而醫生要我地幫佢打鹽水針...
交還狗舖後，我家人經過幾天的理論，狗舖負責人容許我地上去狗場探望小狗。

當然你有權去把小狗帶回家，但要先確保之前狗舖跟你訂下的保障還會否生效，
而且這一仗不是一、兩天，而是有兩、三星期的長期戰爭，
中間會有反反覆覆，時好時壞的情況，您要準備足夠的精神、
時間同心機去照顧小狗。
如果由主人陪住小狗打這一場仗，小狗會打勝仗的機會很大，
而且你的小狗有三個月大，好番的機會都很高。
所以不要太膽心，狗瘟並非絶症，有好多狗都醫得好架~

先聲明, 我不是獸醫, 以下所有也只是本人的個人經驗~

狗瘟的資料, 在網上有一大籮~
我不多講, 講其他事實給你知~

狗瘟初期是有得醫~
但bb仔, 機會得一半(1/2),
芝娃娃機會又再得一半的一半(1/4),
你無即時帶牠再看獸醫, 機會又再得一半的一半的一半(1/8),

我估狗主不會帶牠看獸醫,
狗主講的是經濟效益, 醫? 未必醫得返, 賣少隻, 好過連醫藥費都賠埋~
賣狗的年終死埋百幾二百隻狗, 不足為奇~

如果你當時選擇不病牠回去 "送死",
而是帶牠去看獸醫, 也許可狗番隻狗仔~

我明白你剛剛買狗狗, 在未建立深厚感情前, 要你再破費帶牠看獸醫,
是有點難, 但你能遇見牠, 又看上牠, 是一種緣份~

我的話不好聽, 但我愛狗狗~
回去接牠, 帶牠去醫病吧~

2007-02-21 10:16:06 補充：
我也養了一隻芝娃娃仔仔, 希望日後我的仔仔有機會和你的芝娃娃一起玩~

狗瘟係致命率好高的病，如果醫生話係初期，應該都可以醫翻好，但有冇後遺症就好難講。
我其實覺得你唔應該將隻狗送回那間不誠實的寵物店，都明知佢係黑店，售賣有病的狗，你仲會信佢會醫番好隻狗？我敢講個sales係講大話，佢前言不對後語，你應該black list間店，仲要公布天下等所有人都唔再幫襯佢，等佢執笠。
另外我聽說在香港買到的芝娃娃，大部份都係大陸狗場出產的，因為香港冇狗場繁殖，有都係自家繁殖或寵物店自己繁殖。如果你買佢的價錢唔駛三千蚊，十之八九都係大陸病狗。
我諗你最好做好心理準備，當係一個教訓，下次小心啲。