夜上鳳凰山會危險嗎?

1. 以我的經驗, 如由伯公坳上較為容易行上山看日出, (以我為例約 三至四時才到達山頂, 但只是小休, 約五至十分鐘為限, )

2. 如由昂平上山.. 較為艱辛一點.(休息的次數為多, 因這段路, 太多石极, 又高, 大約四至五小時才上到山頂)

3. 最重要的事, 要記得記得... 要有足夠的糧食, 水, 和保暖衣物才可, 因上到山頂.. 天氣為寒冷, 朋友要切記, 切記

4. 由伯公坳上為首選, 因這段路有較多的平路, 所以會適合各人士行這段路. 如慾想向高難高挑戰自己的, 可向由昂平上山,

5. 量力而為.. .. 不要強行上山, 如真的能力不足, 請向各隊友們提出, 或去求救. 生命可貴, 總會有機會上山看到日出的日子

給個小小的提示, 行山的計算方法, 以一比二萬圖例計算:

一個鐘行三公里(較為亞洲人適合) 至四公里(較為歐美人適合) ,
由起點到終點, 量度的長距,
上一條等高線,加三分鐘
落一條等高線,加三分鐘
上五百米加一小時,
落五百米加一小時.

這是行山的計算基本方法

交通時間, 要先預計小巴開出或有沒有通宵車,

這是小弟的小小經驗, 只可作參考, 希望能幫到你
fr: hk ~@@~

個人經驗,不論由昂平或伯公坳起步,連休息大約2-2.5小時左右,一般約凌晨4時出發,大約上午6時至6時30分就到達山頂;危險度有,但不太高,個人習慣夜行不用電筒

非法入境者既危機唔大既，因為佢地夜晚活動既機會唔大囉，日間活動點都容易過夜晚!!!

反而夜晚行仲舒服，唔熱又夠涼囉....但係唔好一個行，因為鳳凰山既難度好高，要做好準備先好行...

東涌乘11號巴士, 在伯公拗下車
如果行山經驗不多的話, 建議於12點就由伯公拗上山
健行者2時前上山還可以.....
早一點上山, 沿途應該會踫到不少跟您一樣上山觀日的朋友,
路上自然會安全一點...

至於太黑的問題.....
無論幾點上都是黑的......(有時有牛!!)

伯公拗上已經是比較易行的了, 路不是很斜,
一般3-4小時會到頂的, 頂有一個避風亭可以休息煮面....
然後靜待日出, 不過不一定看到, 我去過三次還是看不到的

離開可以選擇住昂平路或沿路返
昂平會比較斜, 石級也會比較大, 但路程會短一點, 風景也會靚一點.....

樓主老兄，你問的問題都好唔駛點答喎！有誰會日間上山睇日出的呀？日光日白，睇咩先？所以好多睇日出的人都是夜晚上鳳凰山的啦，你幾時聽過有人出過事？晚上上山的好處，就是上到山頂就差不多係時間睇日出，唔駛等一餐，之後就落山走人。當然你可以日間上到山頂等過夜，等下等下咁等日出，不過山頂就連水都無，你就要搬齊糧水上山，辛苦好多！因為鳳凰山山頂是沒有快餐店供應餐飲的！帶唔夠水難道落山取水，再上番山乎？不過最大問題是鳳凰山山頂是沒有洗手間的，所以成日咁長，生理需要如何解決？男士可能覺得問題不大，如果唔介意有人睇的話，女士就尷尬囉！
其實個人經驗，夜晚上鳳凰山是比較安全的，亦不會好困難，反而是夜晚上山會敢上一點，日間你見度條路又斜又長，好多時唔夠膽上，夜晚唔見就覺得容易。唔信你試下睇完日出等天光晒再落山，就會見到沿唔都是懸崖，好多路好窄，就會奇怪自己點上到去。其實好簡單，見唔到懸崖就唔覺危險，就放心行上去。正如學攀岩都唔好向下望，唔係就變成自己嚇自己，唔危險都變成危險。所以夜晚上鳳凰山，你見唔到懸崖，就唔會驚，其實那是危險，自己嚇自己先變危險的呀！
至於上山時間，一般都是凌晨二、三時，因為約要行兩小時山路，上到去五時多就好。不過就要視乎體力及經驗，如果經驗淺就早點上去好點，以免日出都未上到去就白行啦！不過就提你上山前就要先解決一下大小二便這生理問題，因為鳳凰山山頂無洗手間的呀！

可能會有非法入境者
因為晚上他們反完工要上山睡覺(越近市區的山區最危臉)