打算搵份新工,雖然自己都有6,7年工作經驗,不過人地見到我會考中文pass,但英文fail, 係咪通常吾考慮叫我去int

我就話有冇得in,唔關會考英文合唔合格嘅事啦,如果有六七年工作經驗,人地會in你/會請你,係睇你識唔識佢要既技能,即係你既工作經驗同佢個行係唔係吻合既,如果係,就算你得中三程度,一樣有機會in.

出黎做野做得咁上下年期,工作經驗既重要性已經蓋過晒會考成績啦.

如果要搵工,反而要注意你封求職信同CV寫成點,我揀見乜野人(文職計),會注意幾樣野,你可以參考下.

1.如果封信唔整齊,封求職信摺到歪歪斜斜,封口既膠水黐住d紙,咁呢個人做野一定好"拿西"--唔見!
2.信封裡面只係得一張履歷卡,冇covering letter,呢個人做野唔會好認真,又冇誠意--唔見!
3.covering letter或者CV裡面有好多錯字,連word既spelling check既功能都懶得用/唔識用--唔見!
4.covering letter或者CV用影印,然後手寫要apply既post,同埋expected salary,太隨便--唔見!
5.CV嘅學歷,工作經驗等等嘅年份,月份冇按順序排好(由前到後或者由後到前都算係順,有d人係好隨意咁亂黎既),呢個人邏輯性有問題--唔見!
6.封covering letter寫得好串,或者好浮誇自大--唔見!

另外,雖然話工作經驗重要過會考成績,但係唔係話有返工就算係有工作經驗既,係要響工作期間學到實務操作既技能先算數,呢樣野,到有得in既時候,人地一問就問得出架啦,呃唔到人架.

個人認為,與其嘥時候使錢去重考會考,不如將d時間同錢學一d技能或者進修其他野好過啦.

之前都答過你有關前途的問題，我想知你哩6、7年的工作經驗係邊個範疇架???咁你做而家份工作係點搵架??你未轉過工嗎??

唔好意思未答你之前就問咁多問題，其實今時今日哩個咁現實的社會，個個都為左張沙紙努力的同時，如果連會考中、英都唔合格的話，如果係老板你會考慮d咩人先...我係做HR的，一請人我每日要睇幾百甚至更多的resume，你試諗下，個位可能係請一至兩個人，但係已經有好多好多的選擇比公司囉!!我可以話比你知，好多普通的clerk，公司都要中五畢業，多數會註明包括會考包括中、英咁，你有工作經驗當然會著收d，但係我話你知唔係間間公司的post都需要有好多經驗的人，因為佢地會覺得比較難教d，要咁多經驗，多數都係一d senior的post，去睇住下面的人，我諗請一個普通文員，好多人都做到囉!!

所以如果你中英唔合格，比我的話一早已經會去補考返，你而家去唔係話遲唔遲的問題，而係個sylbus都轉左啦~比你去考你有信心咩?我覺得你應該去搵返一樣去填補你會考唔合格的空缺囉~即係你要讀diploma或以上的課程，去分散人地的主意力呀~!!

我最近幫公司請左個CLERK~佢都有5年以上的經驗，同樣會考成績冇FULL CERT，點解公司會比個機會佢見呢~因為佢起碼係明愛讀左個商科CERT，見到佢都有誠意去進修，亦都因為哩個POST，我地對佢要求唔高，所以比佢見囉，最終都請左佢，其實要爭取到一次見工的機會要由SEND resume果刻開始，我每日睇咁多，可以同你分享下經驗:resume同covering要整齊，英文要正確，唔好搞咁多花巧野，首先比睇resume果個人覺得你有誠意，起碼識用word先啦..

因此你要有心理準備，如果你SEND RESUME出去，一定會有公司比機會你見囉~但係POST同人工一定唔會好高，如果你想入大公司同福利好的公司，自然會有好多大學生去爭，所以如果你以哩個勢繼續落去的話，我只可以同你講你十年後都係同而家冇分別囉~~我諗你唔會甘心咁架嘛~係咪?

我讀書都唔叻，都係中五畢業，之後讀左個秘書DIPLOMA，而家仍然一路返工一路繼續讀書，人生同工作經驗都唔多，但係我自己總係覺得唔係大學生先有機會高薪厚職囉，每個人都有機會，只要努力去為自己計劃的話有一日你都得架~!!加油~前奇唔好放棄就得架啦!!

英文唔合格就真係幾大件事，你可以去補考會考英文既，不過我覺得你丟低書包咁耐，點同學生爭囉。你可以去進修下，去英國文化協會又好﹑港大又好 (諸如此類)讀1﹑2個英文course，攞張cert或dip好過，有恆心既，攞埋個degree。

贊成你去考多次.理由有二:
1. 一張靓嘅成績表的確係可以幫你踏上成功之路.
2.可以 upgrade o下自己（其實在我睇來呢一點先係最重要）

你係男仔, 就死硬!
你係女仔, 都唔係問題~不用補考~

如果有時間既, 補考都無問題, 不過見工時呢點考慮已經唔大

因為你有6,7年工作經驗, 就算你會考唔合格, 幾年後英文都會叻左好多, 因此佢地會多數直接同你做英文會話對答, 你答到就 ok, 會考成績, 而家已經係次要~~

*** 放心, 努力去見新工啦 ^^