帶一個2歲小孩到廣州有甚麼要注意?

廣州治安真係唔係幾好（我識響廣州生活嘅人，冇邊個冇被人扒過或者搶過錢），最重要係注意安全囉（帶住小朋友更加要注意啦）．
既然已經book好火車同酒店，咁就玩得開心D啦．
出火車站，盡快坐的士去酒店（廣州東站附近治安都唔係幾好，不宜久留），坐的士，行李盡量唔好放車尾箱，如果真係要放，都唔好放任何重要野，因為停紅燈時，好多人撬車尾箱，攞走D野（好多的士佬專心唔鎖尾箱，費事俾人撬爛），上的士順手鎖門（冇得鎖就冇計啦，好多的士嘅門鎖都係爛嘅），車窗唔好開咁大（以免壞人伸手入車搶嘢，而且廣州空氣質素唔好，開大窗都冇著數）．行路盡量行”埋便”，唔好行馬路邊，小心電單車，佢地搶嘢太方便啦（雖然而家廣州已經少咗好多電單車），如果真係有人搶野，就俾佢搶走，千祈唔好同佢鬥扯（人身安全先係最重要，如果佢搶唔走，好快就出刀架啦），遊客區基本上會好少少，小心扒手就得啦．
總之萬事小心為上就係啦．
如果有小朋友，盡量飲樽裝水（廣州嘅自來水質素好差，唔係好適合飲，尤其係小朋友）．

首先帶足夠個小朋友平時一定要食既野，第二一入房睇下有冇浴缸冇既話就問酒店拎個盆同BB洗白白
行街小心天下第一大幫派，唔係話唔好做好心有時俾得一個就唔知係邊一大班出黎
幾時都係果句小心自財物，提高警覺!!

2007-02-19 13:09:35 補充：
補充多句，廣州由1月1號開始已經見唔到電單車，一係街度行就充公，身為政府人員仲罪加一等

如果係去廣州既話，最既係果ｄ劫錢佬
因為大陸呢排治安都唔係好好啦，而依家又
臨近新年，所以大陸有好多人都係等錢駛。
一見到有ｄ唔似廣州既人就可能會打劫。