現在的歌手不及以往時好

冇錯, 以前D歌星唱歌真係比較好聽, 因為好多老牌歌星都係要o向夜總會, 酒廊,歌廳等地方浸好多年先有機會出碟, 唱功根基當然會比較好, 如果唔係早就比人攆走冇得撈, 加上以前歌星都以唱歌為主, 撈過界比較少, 唔似得家陣D所謂歌星,瓣瓣都要掂, 咁自然冇咁多心機去練歌啦！

表演事業講求聲,色,藝俱全, 先講聲先:

以前o既歌星最起碼要俱備聲,藝二個條件+運氣先有一個機會, 至於色方面, 有D唔係咁靚o既, 但唱得好o既仍有機會,最佳例子就係台灣o既蔡琴, 如果淨係睇樣, 我諗家陣D老闆就肯定唔會簽, 要紅的話真係要比多幾倍努力, 但當年佢一曲"你的眼神"已經瘋魔中,港,台,而且都係先紅歌後紅人, 當然不少人見到佢真人後都有D失望,但無可否認, 佢o既歌聲係好有吸引力, 能夠用唱功表現出感情及滲透力！
試睇下而家有幾多個可以做到呢點丫, 就以最近好紅o既"泳X"來講, 對年輕o既一輩可能已覺得佢唱得好好, 但咪又係好似翻版"X菲"一樣,冇乜自己風格.

講到藝:

以前 D歌星除o左要唱自己o既歌,連人o地o既歌,地方小曲,粵劇等都要識一DD,雖然未必係專科,但都要唱得有板有眼, 唔能夠一曲走天涯,而且能唱現場係必要條件.
但係而家D歌星除o左識唱自己o既歌外, 其他o既就欠奉囉！唱現場o既表現,唔駛我講大家有目共睹, 唱功更加唔好提囉！唔知大家有冇睇過D老牌歌手同D新歌手同台唱歌, 我記得有一次張X蘭同容X兒同台唱歌,互唱對方o既歌, 你就會發覺就算家陣最紅o既所謂天后級都比唔上當年o既張X蘭. (註:我唔係張X蘭o既 Fans, 只係以事論事).

色:

呢樣o野老歌星就真係比唔上家陣o既歌星喇！以前D歌星邊有形象設計呀！乜都靠自己, 所以行出o黎時,D化妝服飾都幾搞笑o架, 不過以前D迷哥迷姐又唔會太在意,換o左而家早就上o左頭條及各大網站囉！

家陣D歌星就唔同囉！有形象,褓母咁幫手,執好晒先出o黎見人, 當然好睇好多啦！不過就唱歌o黎講就真係"敏" D囉!只要執完個樣見得人,話之你做Model出身,十音不全,表演甩衭,都可以出碟, 最緊要識得"喊"喎, 咁又可以上兩日頭條, 其他騎騎呢呢o既就更加多, 邊個係邊個o既契仔, 緋聞男女朋友, 大肚等生, 親戚呀咁, 只要有新聞價值就可以捧一輪, 駛乜識唱歌丫！



至於側X, 陳奕X, 我個人覺得比起上面提及個D,已經算唔太差囉！雖然唔可以講得話真係好好,但相比現有o既已經算唔錯o架啦！

以上都係本人愚見,並非存心評論某某歌手！

因為以前的歌手係靠自己真材實料, 聲, 色, 藝俱全, 一定要有實力至可以站穩住腳;
我覺得 Eason 陳, 側田, 同張敬軒... 已經係好過晒其他歌手gar 喇...

下,而家個個都話呢兩位歌手已經係近年最好ge兩位歌手,你番已話特別係佢地兩位歌手唱得差,我唸係你個人ge問題呢

I think Eason Chan and Joey sing better than the other singers in HK.
At this moment, I usually listen to the KOREAN songs.
You may try to listen. Their qualities are much better.
Korean songs recommended:
-It's raining (http://www.youtube.com/watch?v=wo100KbVZAA)
-Move on (http://www.youtube.com/watch?v=N8l8hb-ZL6c)
-I do (http://www.youtube.com/watch?v=gk8FOvo3sQE&mode=related&search=)
-with U (http://www.youtube.com/watch?v=ewjnX2SNsFM&NR)
-In my bed (http://www.youtube.com/watch?v=PlbiUhpUu4A)
-Wanna talk (http://www.youtube.com/watch?v=-AbURGah-sI)
Putonghua song recommended:
- 手記 (http://www.youtube.com/watch?v=zzkCrP-J9z8)

I agree with you.
The older singer is better than them.

me有同感!但側田、陳奕迅都還算好!但有些就......
以前的歌手質素高許多!

佢兩個已經算係好個lor bor！
會唔會係你自己要求高呢？