魚缸水矇查查

如果係新缸,新濾水器的話,就即係你個缸o既硝化系統未建立好！下面係開新缸的簡單步驟及通常遇到o既情況:

簡單開缸步驟:

1. 新缸買返o黎, 先用黃鹽浸泡一日, 同時準備一桶水等桶水過一晚夜,目的就係要令水中氯氣揮發,準備日後放落魚缸.

2. 第二日倒去黃鹽水, 清洗乾淨, set 好氣泵, 濾水器等, 再倒入事先準備o既隔夜水, 開動氣泵, 濾水器運行二至三日, 呢幾日係用o黎養水及養銷化菌(銷化菌係用o黎分解魚o既排洩物), 就係等水入面殘餘o既氯氣完全揮發, 及等濾材入面能建立少量銷化菌, 呢個時候你會見到D水係白濛濛o既, 原因就係過濾系統未建立好銷化菌, 同埋水裏面仲有其他喜氧菌正在繁殖及消耗水中剩餘養份, 大約過多三四日,當一個簡單o既銷化系統慢慢建立同埋喜氧菌耗盡水入面剩餘養份時,D水就會慢慢清番o架喇！

3.呢個時候你可以放三幾條粗生o既魚落缸, 例如山坑魚,孔雀咁啦！但係唔好放多呀！觀察幾日, 如果冇事,你就可以慢慢加魚落去.養魚第一個月係關鍵期, 等水質穩定後你就會發覺魚樂無窮o架喇！

呢個時候你冇乜可以即時做到,只有每隔一日換三份一水 (要換隔夜水呀！), 換完水落小小鹽幫手殺下菌, 但濾材就千祈咪換, 等大約四至五日, D水就會慢慢清o架啦！如果想快D建立好個硝化系統,可以去魚鋪買支硝化菌液,按份量倒入濾材, 都會有D幫助o既！

希望你快D搞點個缸過年喇！

加d硝化細菌啦,幾日就清番嘞.