✔ 最佳答案
唔駛驚喎,坊間有好多書教養狗的,甚至不同的犬種都各自有專門書,你買一本來看咪得囉。(我都睇過一本是芝娃娃的)
至於大小便,狗狗係好愛乾淨的,食同瞓覺的地方一定要同廁所分開。如果你想佢在籠內解決,你便要在籠外畫一個小小的空間,放張床仔俾佢瞓覺的,放些玩具俾佢玩。再用欄柵圍住一定範圍限制佢的活動,防止佢出外亂咬嘢和亂大小便。
但現在要開始教佢大小便的地點同唔可以亂咬嘢,等佢學會便可放佢自由,不需要欄柵。
首先限制佢的活動範圍,在那範圍內放有牠的廁所,你進去陪牠玩,當見佢有尿意便抱佢到範圍內的廁所內解決,同時叫佢噓噓,佢乖乖解決完你便誇張地讚佢,俾小食佢同佢玩。但即使佢小便錯了地方,也不要打罵牠,因為佢仲細,排泄器官同肌肉都未發育好,忍唔住係好正常的,只要靜靜地抺乾淨,(清除尿味)便可。
照以上方法不斷重複,大概半個月至一個月度,牠便應該知道你想佢在哪裡大小便,正確度會提高。
屎尿要盡快清理,否則佢見廁所咁污糟,會唔肯再進裡面解決,會另覓乾淨的地方解決。所以大小便錯了地方,其實主人都有責任,不應隨便為這種事便打罵小狗。
2007-02-15 14:35:42 補充:
p.s我好反對主人為狗狗去錯廁所而打狗狗的做法,因為狗狗思想好單純(是3~5歲小朋友的智慧),佢唔會知道你打佢係因為佢去錯廁所地點,只會以為你打佢(尤其是捉住佢去聞自己的屎尿)係因為你唔中意佢啲大小便,為怕主人打罵便死忍爛忍,忍出尿道炎腎結石等病來,甚至偷偷吃掉自己的屎屎來湮滅證據,咁就死啦。