兔仔問題.__.

我都覺得佢可能係營養過多, 2個月大o既兔B唔洗俾太多糧, 一餐10粒8粒得gar 喇, 兔B主要係食A草,因為兔B需要o既營養比較多,而A草營養相當高所以適合兔B食, 但同時亦要溝T草俾兔B,因 T草含有好高o既纖維質, 如兔B長大後(一般六個月大就係成兔, 可以交配), 就唔好再俾A草佢食, 俾T草佢得喇, 因為A草鈣質過多會令成兔生膀胱石,唔適合成兔食,而T草纖維質高及蛋白質較低,係成兔最健康o既食糧. 另外, 唔好俾其他零食兔B食, 因為零食一般都唔健康或營養過多,會令兔兔痾軟便gar. 仲有暫時要留佢係籠到,唔好俾佢周圍走住,因為佢周圍走就會周圍咬野同lam野,地方污漕大塵都會令脆弱o既兔兔生病.
其實兔仔真係好脆弱o既動物, 兔B仲弱, 好容易病, 要小心照顧佢o地, 如果你發覺俾少o左糧佢之後一兩日都仲係痾軟便,甚至肚瀉, 就要同佢睇醫生, 因為可能佢食o左D唔乾淨o既野.
兔B反抗力唔大,應該好易捉, 但要輕手及唔好嚇怕佢, 可以先輕輕摸佢頭仔(兔兔最鍾意人摸頭仔), 令佢唔好咁緊張, 再一手抱起佢前腿及另一手慢慢扥起佢pat pat, 跟住你可以坐低and將佢反轉放係你大脾上(即令佢瞓係到), then你用小小力夾住佢, 等佢唔好郁, 咁你就可以輕輕力幫佢用濕毛巾清潔污漕o既地方同埋剪o左D污漕o既毛,千祈唔好用清潔劑,因為如果你抹得唔乾淨, 佢會lam番落肚. 清潔完之後仲要摸下佢頭仔, 安撫下佢同埋俾小小野佢食(e.g.一兩粒糧). 千奇唔好下整痛佢或嚇親佢, 如果唔係, 佢就會有陰影, 以後都唔肯俾你抱.
P.S. 幫兔兔清潔前最好穿上圍裙, 唔洗整污漕自己D衫褲, 不過唔好用呀媽o個條, 咁唔合衛生, 自己買條專for清潔兔兔用啦.

2007-02-15 11:35:12 補充：
佢9成肚痾, 快同佢睇醫生.一般獸醫e.g.綠十字(Kowloon and 沙田都有, tel: 27805338/26011219), 醫生會開止痾水and抗生素, 大概$250, 如果打埋針就大概$300. 如果只係一般肚瀉, 普通獸醫應該醫得好, 但如果嚴重o既就要去動物醫院,因為動物醫院有專門醫細小動物o既專業醫生, 普通獸醫醫唔好o既佢地都可以醫到, 但價錢當然貴d, 最少預$500. (珍禽異獸動物醫院: 大圍積信街69號, Tel:26871050/26871030).

yes
go to see the vet
no
1:99