如果劉禪的能力同劉備一樣...??

就算劉禪能力同老豆一樣，我認為都未能統一中國。

雖知蜀漢最大的問題係，立國根基短、國策與實際環境已經不同，加上地處一方，各方面能力都不足，蜀漢先天已經有不利。

關於立國根基。魏起家自曹操，少時已任漢朝校尉，此後一直於朝廷任期，發展勢力，挾天子以利諸侯，勢力根深蒂固。吳國，起家自長沙太守孫堅，經歷三朝，至孫權時已盡得江東揚州諸郡，勢力亦深矣。反觀劉備，入川前一直遊走四方，駐兵新野，只為劉表一部將矣。至赤壁之戰後，雖得以生存，倉卒有荊州，連同代劉璋管益州，入主時間與二兩相比皆相差甚遠，足以影響人事任用、經濟發展等各方面。

至於國策。曹操分明以天子威令諸候，敵人若不從，便可假詞討叛，予以征伐。曹操以此而得九州。劉備得諸葛亮獻計，以荊益二州為基地。但荊州同時為吳國立國之關鍵。荊州缺不能同時為二國同有，以致有爭奪荊州之事，關羽敗亡，一半緣此。諸葛亮的國策，我認為沒有考慮吳國，以致有此缺憾。況且，蜀國比之吳國，蜀要管理荊州，比吳要管理荊州為難。何謂也？入蜀後的劉備，以益州為根據地，但山川形勢下，益與荊本為兩國不同的地域，中間隔涉大山。蜀要出入益荊之間，困難處甚劇於吳國流通荊揚之間。如此不便蜀國管理、支授的問題，諸葛亮亦沒有考慮到，亦足以影響蜀國的生存機會。

但諸葛亮其實亦有點難為無米坎之感。因為若蜀只得益州，則蜀之苦處更甚於同時管理益、荊兩州。何謂也？益雖有天府之國之稱，但以一州之力，以敵兩國，太難了。況且，益州在文化、經濟、軍事方面，與中原地方有很大的差距。經濟尚可追近。但人才之難求，實在影響蜀國甚深。魏吳在人才方面，可謂源源不絕。但蜀國治國人才，至費禕後，幾乎無人足以扶蜀，軍事方面，雖有姜維、王平、張翼、廖化等，但蜀將在人數及能力方便都不如二國。又一忌也。

更何況，劉備的能力，本身都不及曹操父子，以及孫權父子。劉禪就算如劉備能力相同，都無法與之匹敵。

假使劉備自稱漢中王起，便致力發展二州，不主動開戰，東西合力，靜待數十年，蜀國或許有機統一。又或者諸葛亮在街亭之戰，沒有用馬謖，一切亦會改寫。但可惜，事實並非如此。

諸葛亮的隆中對，再有一樣致命傷係，沒有考慮劉邦之得漢中、出漢中，與當時得漢中、出漢中的難易度。劉邦同時面對的係以項羽為首，看似是聽命項羽，實則與各自為政無異的諸侯王。劉邦出漢中，力戰三位秦朝降將，是易於劉備出漢中，同時面對隴右及關中皆聽命曹操的各位將領。地方一樣，但勢力不同，足以令蜀漢統一招敗矣。

古代皇朝有一樣特點，君主就算不賢，只要制度不壞、臣子有能力，尚能保存江山。只可惜，蜀漢先天太多問題，就算劉禪能力再好，都可謂回天乏術矣。

好

個人認為唔會統一到
唔係君主能力既問題,就算係諸葛亮做左蜀國皇帝我都認為唔會復興到漢室

1.蜀國既北伐係搵一班安居天府之國,桃源之鄉既蜀中士兵,要佢地跨越秦嶺山脈進入一個異鄉之地.鞭撻一班遠離故鄉而歸心似箭既蜀國士兵,越過四千公尺既山脈之北,向住比蜀國嚴寒N倍既敵地前進,並將自己投入有生命危險既戰場.變相諸葛亮北伐時要將士兵本能既向南邊蜀國傾向既心,扭轉向住北方魏國,咁蜀軍既行軍無疑係俾個無形既障礙攔住,令到蜀國士兵進軍時所感到既飢寒交迫,思鄉之情,其他危險困難比起平時既感覺加重N倍.呢樣野直接影響到蜀軍日後北伐時通常都係居攻擊而不得不苦戰既情況

2.曹操生前話哂都係善於政治,軍事傑出既傑才.渭水流域既魏國領地響曹操既治理之下,理應唔會受到戰禍之亂.咁當地居民難免會諗:如果蜀軍既諸葛亮黎到做新治理者,俾唔俾到之前曹操統治下強大既保衛同安定既民生先?就算俾到,都應該同曹操所給予既唔會相差好遠.在於當地居民角度睇黎,佢地絕對唔會將呢注押向蜀軍北伐成功,只會將蜀軍當作係破壞佢地現時安穩生活既入侵者.唔好睇輕呢個因素,一個地方既民心所絕對係戰局有極大既影響.睇番當年項羽同劉邦分別攻秦,點解秦兵對劉邦軍(獻城投降)同對項羽軍(拚死血戰)既做法會爭咁遠就可知一二

就算佢既能力同劉備係一樣
我覺得佢都未必可以統一中國

因為響三國後期，蜀國武將所淨無幾。唔係老死就戰死或者病死。
所以我覺得劉禪係冇乜可能可以統一中國。

但係如果後蜀有多ｄ武將，如關平，關興，關宗，張苞，趙廣，諸葛膽，姜維
，蔣琬，費禕，董允等武將仲未死既話，我反而覺得蜀會仲好機會。
只要蜀首然聯合吳國，而吳國果陣應該會有陸抗，諸葛格，孫權（未死既話），一齊去攻魏先。而魏果陣超勁既武將都唔係好多，得返司馬昭，司馬帥，鄧艾勁小小既武將。
雖然魏係兵多，但係會對住蜀吳兩國ｄ文武全才既武將。攻破應該唔會太難。
只要蜀一攻破上水，西涼，長安既話，我話佢直接攻到許昌都唔成問題。因為魏主力既軍隊都係來自西涼同上水，只要攻陷就冇咩問題。
之前吳攻魏就有ｄ問題，吳只係熟水軍，對陸軍唔係有好大既熟識，攻破係有ｄ問題，再加上魏國有張遼。但係魏國張遼已經死左，所以ｅ家黎攻贏算都好大下。
滅左魏之後，蜀應該會有果時中國４３－４７％既土地，始終都唔夠吳多。
但只要蜀夠運用戰術，攻吳統一中國唔成問題。

我唔認為囉，因為你只係計兵力當然相差遠啦，係!魏國係好多幾出名的武將，但係佢地的質素都唔及蜀國，司馬師,司馬昭佢地的能力已經比佢地老豆遜色，但係姜維呢，諸葛亮在生時都稱讚姜維的能力，仲話佢仲有得進步。但係無法啦，只可以嘆句一代不如一代。