自制羅白糕怎樣做得好

我自己每年都有整蘿蔔糕, 而做法/比例好多人都唔同, 而我亦試過好多, 以下比例係我認為最好食又唔會太硬/太多粉,有蘿蔔味(朋友/家人都話好食, 包你一定成功!!)

比例:
每1斤或1斤2~3兩 蘿蔔 = 100g粘米粉 (每包粘米粉有d重500g, 有d重600g)+ 1/2湯匙鹽 + 適量胡椒粉 + 少量五香粉


如整一"大底"(約12吋直徑, 3~4吋高錫盆)可參考如下
材料 :
3斤2兩~4兩 蘿蔔 (要選個頭d綠葉新鮮,無乜根,又矮又肥,會水份較多又甜。) 又廋又長個d係較乾同澀口
300g 粘米粉(即半包粉)

調味 :
1+1/2湯匙 唔好突滿, 要掃平 (可用外賣飲湯膠匙量度)
胡椒粉適量(大概平均洒滿蘿蔔水表面)
五香粉少許 (約半茶匙) 如果唔鍾意聞呢種味可以唔落,但落就左香d)
雞粉1湯匙 <----非必要 (有人鍾意落會"野"味d又包好味唔失手, 但我就唔會落, 按此做法都已經好好味)
鷹粟粉3湯匙 <----非必要 (可加可不加, 有人話加左會滑d, 但我就唔多鐘意加,因為會變硬)

以下餡料可因人而異加減,唔一定要跟足。
臘腸1~2條
臘肉半條 (去皮同去肥肉)
蝦米1~3兩
冬菇6~8頂


做法:
先將蘿蔔去皮,刨絲(用專刨蘿蔔個d刨),乜都唔洗加,煲約15-20分鐘,煲緊時取少少食,試下甜定苦澀,如果係勁苦澀就唔要得,如果少少苦就落d糖 (不過通常冬天都會係甜, 夏天&初秋就苦澀), 煲完後隔水待涼。

隔左出黎既蘿蔔水應該約有2碗, 將粘米粉&調味材料全部加入(記住要涼左先好放粉,如果唔係會一"舊舊") 搞混, 一定要確實全部溶晒

餡料全部切小粒粒, 臘腸/臘肉可先用滾水"拖一拖 (無咁油膩) 跟住全部一齊炒一炒

最後將粉漿+蘿蔔絲+餡料全部一齊搞。 記住要搞得好"暈"。 倒入錫盆隔水蒸2小時就成功。

各位朋友如試過好掂就send mail話聲我知啦!!

蘿蔔糕
材料：　
在來米粉（黏米粉）兩杯半，白蘿蔔中型一個（去皮後約750g，先刨成絲狀），水2杯半~3杯，鹽1小匙，白胡椒粉半小匙。
以上是基本料，除此之外，我還加了以下配料：
蝦米2大匙（泡軟，把水撇棄），香菇三或四朵（泡軟，切絲），紅蔥酥2大匙（切碎），廣式臘腸1或2條（切小丁）。

做法：　
1. 先用油炒香配料，炒好後盛出。把在來米粉和水混和調成米糊。
2. 再接著炒蘿蔔絲，蘿蔔會出水，所以不要加水，炒到蘿蔔絲成透明狀就是熟了﹔此時把配料回鍋同炒，炒勻後用鹽和胡椒調味，然後轉小火，把米糊倒入拌炒至成黏稠狀。
3. 容器抹油備好後，把整鍋米糊倒入容器內，表面抹平即可入鍋蒸熟。
4. 大火蒸約40分鐘即可。熟後取出，放涼後才會成型，然後才可切片、用平底鍋兩面煎黃食用。

備註：　
1杯 = 240cc
1大匙 = 1 Tablespoon = 15 cc = 15 ml
1小匙 = 1 Teaspoon = 5 cc = 5 ml


年糕
材料﹕
糯米粉--- 1斤
白糖--- 1杯
蔗糖--- 12
水------3杯
紅棗--- 數粒
杏仁--- 數粒
步驟﹕
(1)蔗糖與水同煮至勻，過濾冷卻備用。
(2)糯米粉篩入容器內，蔗糖水分數次加入拌成漿。
(3)蒸盆灑上一層油，倒入漿粉，隔水大火蒸個半小時，取出年糕，以紅棗及杏仁點綴便成。