和情人結婚不結分的苦惱......=_=

睇來, 妳男友的想法都係"佢唔想失去妳, 唔可以無o左妳"....
佢好想同妳有將來, 而妳都會係.... 所以, 佢抽居屋, 好想係妳同佢將來的安樂窩.....

不過, 現在的現實情況, 就係妳同佢收入都唔多, 根本唔能夠供樓......
而且, 妳同佢都仲細, 今日可以好 sweet, 但好難講妳地五年, 十年後, 都可以一齊面對身邊咁多問題....

我覺得, 佢諗得太理想, 唔夠周全, 而且, 佢無顧及妳同妳家人之間的情況.....
佢有點主觀同自我中心, 呢樣係一個問題....
妳要冷靜咁同佢去處理, 否則, 即使相愛, 仍要分開, 咁就好可惜.....

好, 言歸正傳....
A1: 妳應該初一/初二就要帶妳男友上去妳屋企同妳家人見面, 之前要同妳家人先講o左先, 睇下佢地咩反應..... 而妳唔駛講明係男友, 妳話係"好朋友"都可以...... 時間可能係日頭好o的, 因為夜晚妳家人一定會留佢响度食飯, 但如果佢無做好心理準備, 無諗定妳家人可能問的問題同答案, 咁果餐佢就辛苦囉..... 俾人盤問到口啞啞就唔好啦.....

A2: 妳唔想咁快結婚係好正常.... 而妳男友佢自己先抽居屋, 之後先至要妳幫手供, 但又只係佢同佢屋企人住喎, 咁就有點問題.... 有o的令人覺得佢拖妳落水囉..... 不過, 難得有情人, 可能妳十年後回想而家呢一刻, 妳都會覺得係好事.... 幸唔幸福, 係要妳地大家去建立, 妳地大家都有心去做, 可以互相忍耐, 就自然得到幸福......

A3: 供唔起? 賣o左佢再租屋住囉... 佢自己先斬後奏去買樓, 就要由佢自己負責, 女友/老婆唔係用來幫佢處理佢的"蘇州屎".... 係, 一定有人話一個家要兩個人去承擔, 但係家都未成, 又未傾過, 就要妳去孭數? 唔係咁計o架....

借? 妳覺得佢還唔還到? 講真, 呢層樓我覺得佢真係"無咁大個頭, 就咪戴咁大頂帽"啦.... 佢唔識諗, 佢父母都應該識諗.....

講句題外話, 原來層居屋供得咁平, 唔怪之得咁多人申請啦, 早知我都去抽....

A4: 呢個問題, 我真係唔識答..... 為供樓而趕住結婚, 即使結婚之後, 妳個心都會有條刺啦.... 但佢又騎虎難下.... 唉.... 我都唔知妳可以點去做....

至於感情會淡.... 喂, 結o左婚唔會感情淡咩? 淡唔淡, 好講求大家去唔去維繫.... 我都拍o左6年拖, 同女友都可以好 sweet.....

If you are not sure, that means you are not ready. Marriage is (or suppose to be) a life time commitment, don't do it when you are not 100% sure. And definitely don't do it just for a house.

18 is really too young, you don't have much experience in the real world, wait a few years is a good idea.

其實我已經話個多3-4年先再結婚,不過佢話一對情侶拍左甘耐先結,感情會淡.....
After you got married for a few years, your 感情 will still 會淡. What do you do? got a divorce? Actually if what he said is right, it is better to wait a few years, to make sure your 感情does not turn 淡 before you get married.

1.最好暗示先啦！如果唔係佢地可以會覺得你呃左佢地，地點係屋企比較好，費事係出面，萬一佢地真係嬲，都唔會比人見到。同埋我覺得係屋企，感覺會比較自在，講起野黎都舒服D。
我覺得你最緊要係令佢地明白你已經係成年人，而且拍拖係好認真，絕對唔係玩玩下，你亦已經夠成熟去處理感情問題，同埋你地亦有為將來打算。
你諗住帶埋佢去？我覺得唔帶好D喎。最好係夜晚，大家食完飯，傾下計既時候講，講既時候要表現得好心平氣和，你屋企人唔比你拍拖應該都係覺得你仲細或者驚你比人呃。你可以同佢地講你已經大個，知道自己做緊咩，都知佢地錫你‧‧‧等等既說話。以真情同道理打動佢地，千其唔好變成鬧交。
其實你都18歲，又出左黎做野，我諗你屋企人應該會諒解。

2.我覺得你正確囉！因為買樓而結婚，感覺唔多好，而且結婚係人身大事，應該要有一個好周長既計劃，但你地而家就好似有d急。而且你地都仲後生，其實心智都未成熟得晒到可以結婚，你自己亦未準備好，咁樣結婚唔係話一定唔幸福，但一定會有好多問題。
另外，所謂貧賤夫妻百事哀，都係個句，你地仲咁後生，經濟都未穩定，仲要買樓供樓，講真經左婚之後又好易會因為經濟上既野而爭執。

3.其實我都覺得佢唔應該買樓住囉！剩係聽過人為結婚而買樓，未聽過人為買樓而結婚。而且又係呢個問題，買左之後，你地兩個又要死慳死抵，跟住好易又互相埋怨，咁就真係影響感情啦！
你應該同佢傾下，睇下可唔可以唔買住，如果佢唔聽你講，死都要買，仲發晒脾氣，咁就證明佢唔夠成熟，更加唔可以嫁比佢住。
我覺地你地應該有個計劃，好似話儲到幾多錢先結婚，而且你地應該努力做野，儲多d錢先，置一頭家唔易ga，樣樣野都要錢。既然你地都仲後生，仲咩唔有左穩定經濟能力先結婚，到時又可以風光d，結婚一生人一次，你都想嫁得好好睇睇ga~
一般，睇我身邊親戚朋友，呢十幾廿年，早婚既唔係好多，結果就真係唔係咁好囉！有2對最後都離左婚，同錢銀問題唔多唔少都有d關係。

4.冷靜d分析比佢聽，語氣要平和，穩定佢既情緒。同佢講你擔心既野，亦都問下佢點解咁想早結婚，依佢既原因同佢解釋。如果佢體諒你既，順便又可以同佢計劃下將來等等既野。

老實講，感情變淡一般都係兩個原因(冇移情別戀既情況下)，一係就成日冇得見，一係就日又見夜又見(冇新鮮感)。而結左婚，日對夜對，磨擦機本上多過拍拖囉！

婚姻只係一張紙，保障唔到愛情既，如果會淡既，結唔結婚都會淡。如果唔會淡既，拍左十年先結婚都仲可以好恩愛tim~而且拍拖內其實都有好處，因為拍得內，兩個人了解自然多，一齊生活亦比較可以互相遷就。

最緊要你係真係為左想結而結，唔係第時一定有得怨~