對鞋有小小緊,有冇辦法整鬆d?

如果你想整鬆d 對鞋o既話，就要睇對鞋邊個位置緊喇 !
因為唔同o既位，要用唔同o既方法o架 !

1 ) 前掌趾位緊：
你可以用風筒將前掌鞋籠( 即係裡面 )加熱，
如果只係小小緊，可以就o敢用手，慢慢將皮拉鬆。
因為所有真皮o係遇熱後，都會軟化，所以會比較容易拉鬆。
( 如果唔係皮，效果一定冇咁顯著。)

2 ) 後"足爭"過硬 / 緊：
頭先個方法並唔可以套用o係哩個問題上，
因為造每對鞋o既頭同尾，都會加入硬"足爭"同硬頭，
以鞏固鞋形。所以，就算遇熱後，都無法拉鬆。
你可以預備兩個海綿o既前半墊，同埋一個鐵鎚。
將半墊，一個放o係地下，另一個放o係後"足爭"o既內履上面，
( 地下o既半墊，用作保護鞋o既面料，以防耷花。)
( 內履上面o既半墊，則用作保護鞋o既內履。)
做好保護功夫後，就可以開始喇 !
用鐵鎚耷向內履上面o既半墊度，中間力度耷幾下就可以o架喇 !
哩個做法，係可以耷軟對鞋個硬"足爭"，
o敢你咪可以著得舒服d 囉 !!!

3 ) 一對擺o左好耐，而有小小緊o既鞋：
a ) 你可以試o下用熱o既毛巾仔，放入鞋籠裡面。
如果唔得，就要進行 B 計劃喇 !!!
b ) 去一d 賣護鞋用品o既舖頭，買一枝鬆皮水，
噴落鞋籠o既內履度。
因為佢可以將一d 耐冇用而硬化o左o既皮，變o番軟身o架 !!!
其實皮同銀一樣，擺得耐都會氧化o架 !!!
若然都係唔得，就要行最後一步喇 !

4 ) 以上方法試混都唔得：
你可以去一d 訂造鞋o既地方，
問：我對鞋好緊呀 ! 你可唔可以幫我"扣底"呀？
做法係將鞋o既墊腳拉起，裡面有塊木色o既o野，叫"中底"。
將佢剷薄，o敢對鞋o既size 就會大o左大約半個碼o架喇 !
但係行哩步前，你要肯定自己係咪好鐘意哩對鞋先 !
因為如果佢剷得唔好，你對鞋會著一次就玩完o架喇 !
我建議你去d uncle antie 級睇舖o既地方問會好d 囉 !!!

P.S. 希望會幫到你啦 !!!!!!!!!!!!!!!!!!!!!!!!!!!!!

