買股票點做

好大本既書係招股書嚟，只係新股上場用作介紹之用，所以唔係一定要取。如果你想買賣股票可以去銀行開個股票戶口，之後就可以打電話或上網做買賣，但一定要確定你戶口有足夠的金額，買的時候要比一個價錢，但唔一定要現價，如現價$4，但你覺得今日可能仲會跌你就可以落個$3.9既盤，如果以現價買基本上係即時可買到，但落個低價就要等，都唔一定買到，手續費方面係一定要比既，因為政府都有個稅要收仲有經紀佣金，呢d都係你要計算既成本之一。如果你買的是新股就有d唔同，因為可以用白表或黃表抽，白表就係用你個人或聯名去抽，唔使股票戶口都得，但係抽到的話佢就會寄張股票比你，你要賣的話就一定要開返個戶口並存入倉先可以，黃表就係用金融機構幫你抽，如銀行、股票行等，抽到的話係可以即日賣出的，因為咁所以會收個手續費既。其實如果你有咩唔明都可以去銀行問，佢地都可以教到你。