有兩次杜牙根經驗請入

2年前做過,只能維持2年???我個牙醫說做完後可頂上10-----20年



我上星期四都是牙痛，一起床已覺痛，早上十時多要出街，已經唔多舒服了，後來到中午越來越痛，旁晚在樓下看牙醫，牙醫說通常一痛，痛到冷熱水都痛時，隻牙已注到入神經裡面，一是脫了它，，一是做杜牙根（抽去裡面的牙髓神經），我還想要隻牙，所以做了杜牙根，十分鐘內做完第一次，一做完就已經唔痛．．．來緊的星期四做第二次


杜牙根，一個療程做四次，第一次做完，第二次做要一個星期後，我個牙醫做要收２０００元（在美景）,做時不會痛過牙痛，之前都聽人說怎樣痛的，所以問佢做幾奈，又會不會很痛，佢話打了針之後都不太痛，而一做完都已經沒牙痛了，我做完第一次又真的已沒牙痛，這個牙醫幾好，好細心的講解，有問有答．．．（佢手細幾好，打針都不太痛，我以前其他的牙醫，打針痛過脫牙）


因為我本身下面排牙已經每邊沒了一隻大牙，今次是上面排牙的大牙有事，所以牙醫說脫牙我都有想過脫牙好定做杜牙根好，我問佢若做假牙如何價錢，佢話一排（如下排牙），你缺了幾隻就做回那缺了的，不論做多少隻牙，都是一排計的３０００元，因為自己本身都缺了２隻，所以都有想想若果是杜牙根，杜牙根之後又保全到幾奈，若然幾年後又爛過，我不如脫了，做假牙，成機補回缺了的好過，所以問清了牙醫２樣（脫牙或杜牙根）的情況如何，佢話杜牙根，隻牙都可以頂上１０－－２０年，到時我才再考慮做牙假來戴都應該可考慮（因為自己都未到４０，戴牙假又有些紐另的心態）

今次一痛就去看是因為對上一次痛時都磨了很久，都磨了有幾年，是有時痛，痛下又唔痛，初時只是微微酸，秘秘地，就由得佢，隔幾個月又痛下，痛下又唔痛，但都知唔妥了（怕是注了，會越來越嚴重），所以後來去看牙科車（長發村），牙醫又話無事，我覺痛可能是神經痛．．．．後來拖下拖下幾年後又再好痛，去看牙醫（這個是長康村的），牙醫說注了，幫我補了，再又拖下拖下又再痛，後來越來越痛，痛到個人什麼都做不到，在床上痛到ＬＯＯＫ來ＬＯＯＫ去，痛到個後腦都實埋，痛到宜得隻牙唔要，去看另一牙醫（就是美景那個），佢話我隻牙注到入去，要脫了，我當時都唔想再留隻痛牙（宜得佢唔係度），就脫了就算，牙醫都說太遲來看，注得隻牙救唔番．．．．所以我今次一痛就立即去看不拖了，是怕又太遲救唔番隻牙，怎知都是一樣．．．．