香港昔日的玩意

公仔紙初初買番黎大約半版報紙咁大，可以剪成好多張細細張既公仔紙：

玩法有好多種，例如兩個人各自揀一張放係手，跟住一齊向對方隻手拍過去，如果公仔紙跌落地係公仔向天就贏，如果兩個都係向天或者反轉，咁就再對拍，直到有結果，贏果個會取左對方張公仔紙或者一早講明賭注既張數。
有一種玩法叫拍散紙，可以兩人至多人玩，大家會拿出多張公仔紙疊埋一齊，大家轉流對住佢拍，亦可以用手撥，但不能碰到，否則就會犯規，犯規就會停拍一次，被拍或撥出黎既公仔紙一定要一張一張分開，唔能夠有相疊，咁果d拍左出黎合格既公仔紙就會歸拍或撥果個人，直到公仔張無晒為止。
又有一種同上述果個差唔多，叫拍"蛋黃"，都係可以兩人至多人玩，又係大家會拿出多張公仔紙疊埋一齊，不過今次大家會認定一張公仔紙為"黃"，將"黃"放入該疊公仔中，然後又係轉流拍或撥，離個該疊公仔紙既會拿開，今次就算離開既時候係相疊都算係合格，睇下邊個將"黃"拍或撥到出黎，咁所有公仔都歸果個人。
摺紙飛機、紙波波、紙青蛙、"東南西北"、紙鶴‥‥‥等等。

自製鍵子﹕用紙條或毛冷加個銅錢(中間有孔那種)，做鍵子踼。

挑竹籤、跳飛機、跳樓梯、猜樓梯、123紅綠燈、十字介豆腐、何家公雞何家猜
摺飛機, 摺公仔、捉迷藏、拋手巾、糖黐豆、狐狸先生幾多點、自製吹泡泡
自製紙公仔及紙公仔衣服、用大塊紙皮在公園斜坡滑梯

膠劍仔-雖然唔知點玩,但個個細路都應有過。

跳繩
風爭
踢'yin'
陶瓷/面粉公仔
etc....