小跳步、jump起、罰球一問

首先，小跳步用得正確係冇犯規的．　但係而家球證對ｌｅｅ一方面吹得幾嚴．所以係真正比賽最好唔好用，費時浪費左一個進攻機會．除非你的姿勢是完全正確．　不過街場玩下就無妨～

小跳步係只拍波中，透過跳的動作來突破別人，不過起跳後一定要雙腳正時落地，唔係就係犯規！

而ｊｕｍｐ起其實都係走步的一種，係大家分開叫，其實叫 travelling！ ｊｕｍｐ起，只跳起後冇射ｏｒ傳你手上的波，同你手上既波同時落地就叫ｊｕｍｐ起．

射罰球，你講果個方法係冇問題，只要你成腳不論偽射前ｏｒ後冇過到條罰球線就ｏｋ，不過好似唔比ｊｕｍｐ　ｓｈｏｏｔ．

球證ｄ手勢有好多，好難講晒比你聽．　

問：小跳步同jump起有咩唔同?
答：小跳步係單腳跳起之後雙腳著地！咁樣係唔會違例的！
但如果單腳跳起後前後腳落地就係走步！
或者單腳跳雙腳落地後再拍球，咁就double了！

而"jump起"我只係係街場聽過，係正式比賽係無呢樣野的！
係街場你射完波但air ball你去接波就會話你"jump起"....
但係正式比賽中，你射完波，投籃動作完全後，球無掂到框，你接番個air ball！
只會係當你接番籃板球！可以重新進攻的！不過廿四秒進攻係唔會重計的！
但你一定要sure你係射波唔入大針，而唔係亂拋上去而話係射波！
唔係球證實吹你的！

問：射罰球一隻腳離地，一隻腳店地得唔得?
答：得！你鍾意點射都得！
但要符合以下要求：
1.五秒內射球(每一球)，最後一球罰球違例的話，要比對方係罰球延長線開波
2.射球要中框(最後一球)，唔係就係違例，要比對方係罰球延長線開波
3.最後一球射球，球要到框，射罰球員才可超越罰球線，如果球入就唔會判你違例！但如果球唔入，而你又過早超越罰球線(因為想搶籃板球)，咁就會違例，要比對方係罰球延長線開波

問：可否話我聽球證D手勢點解
答：其實每年籃總同學界都會開籃球裁判班的，你可以報黎學下的！
你仲可以買本球例書黎睇下的，Ozone有得買$48本....(雖然我覺得好唔抵)