點樣先至蒸到一碟又滑又好味的"免治豬肉蒸水蛋"呢 ? 橋妙在那裡呢 ?

點樣先至蒸到一碟又滑又好味的"免治豬肉蒸水蛋"呢 ?

有四點你要注意
1)蒸水蛋的蛋和水有個比例的，蛋多會好實水多又蒸唔到凝固。蛋和水1比1左右就正啦！
2)水要用煲過的冷開水，因為未煲過的水有氣在水內。到蒸的時候會走出來令到蒸水蛋表面有小孔，所以要用煲過的冷開水。
3)蒸水蛋時水未滾便入鍋蒸，可以一體化加熱會好D。有些人更會包好保鮮紙才蒸，好讓倒汗水不會落在水蛋上，蒸好時像鏡面一樣。
4)火力上用大火蒸十分鐘便可以了。

PS:免治豬肉蒸水蛋在行內有個好笑的花名：紅毛泥撈石屎。如果再加上粉絲(免治豬肉粉絲蒸水蛋)就叫：鋼筋水泥。

1. 豬肉最好用半肥瘦, 不要太多, 約5元已足夠
2. 豬肉碎調味時加兩茶匙水, 再加基本`調味, 攪勻至水收乾
3. 兩隻雞蛋加小許盬, 油, 胡椒粉攪勻後, 先加開水的份量不應多於三隻蛋的水, 再攪勻後用隔網隔一次
4. 用碟, 若用七吋碟蒸, 加豬肉後可加蛋液至碟的大概 8分滿, 若不足, 可於此時再加水, 太多水蒸唔埋, 太少水會太老, 必需將將豬肉碎與蛋液伴勻
5. 用另外一碟覆蓋, 蒸大約12分鐘, 開始2 , 3 分鐘後必需用改中火.

包你掂, 本人無數次經驗, 若成功轉告其他人.