澳門二日一夜的行程

第一日上午去到，出閘之後，去旅遊局嘅information center攞本visitor passport，裡面有好多discount coupon，隨時用得著．
之後去漁人碼頭（就響港澳碼頭旁邊），行一陣，食個lunch（不過裡面冇乜特別嘢食），食完可以去酒店check in（格蘭酒店響氹仔），漁人碼頭有D黑色既日產cefiro 2.3，去氹仔收費$60，亦都可以坐的士（大約四五十蚊），或者坐巴士（$3.3一位）．
酒店check in之後，可以行去氹仔舊城區（大約行十分鐘），食下嘢，官也街有莫義記大菜糕，沛記出爐cake仔，可以去晃記買雞仔餅，去買車厘哥夫紐結糖（紫色嗰間係老舖，黃色叫”正牌”嗰間係後起之秀）做手信，出返去黑橋地堡街，可以去買沙度娜木糠布甸，去新好利食燕窩撻同豬扒包（我唔鍾意大利來記嘅豬扒包，我覺得是但一間都好食過佢），如果鍾意食辣腩嘅可以去咖喱全，響舊城區行下橫街窄巷之後，出返去另一邊（近D格蘭酒店嗰邊，唔記得條街叫乜名），食埋鴻彬記嘅牛雜，去十字公園，教堂同埋龍環葡韻．
之後可以去黑沙海灘（響另一個島－路環，由氹仔坐的士去，大約$50，坐巴士$4.5一位），去完海灘，順便去海灘邊嘅法蘭度餐廳食葡餐，等位嘅時候可以響佢個bar度飲杯酒先），如果坐的士去或者坐的士返，叫司機車你去路環市區嘅安德魯停一陣，買盒葡撻食（或者留番做宵夜）．
如果唔食葡餐，可以響氹仔舊橋頭嘅峰景餐廳食蟹粥．
晚飯之後，可以去bar或者disco（不過要返去澳門嗰邊），可以去新口岸填海區嗰邊嘅酒巴街同埋disco，如果唔想返澳門嗰邊，可以第二晚食完飯先去．
第二日，可以食酒店自助早餐，如果唔食，先check out，然後去澳門嗰邊三盞燈嘅雅香食魚湯粉，椰汁雞麵，膠兜撈麵，食完，行去培正中學旁邊嗰間瑪嘉烈食葡撻，之後可以行去國父紀念館，去完行去二龍喉公園，坐纜車上東望洋山，去完燈塔返落黎，可以去食lunch，如果行路，可以路過荷蘭園馬路嘅禮記食雪糕同紅豆雪條，去皇冠小館食竹升麵同蟹粥，如果坐車，坐去新馬路落車，去議事亭前地，黃枝記食竹升麵，去大堂炸雞食雞翼，去義順食燉奶當甜品，之後去大三巴（順便買手信），澳門博物館，之後上去大炮台，返落黎去觀光塔食下午茶buffet（唔使另外俾錢上塔），食完返落黎，去西望洋山，媽祖閣，海事博物館，之後去食晚飯，可以考慮去食翅啦（寶石常記，陶陶居，西南都幾有名），如果想食葡餐，可以響媽閣嘅海灣，或者南灣嘅沙利文都幾好．
食完可以去金莎，新葡京，永利，星際（幾間都係新賭場）睇下，如果想去bar或者disco又得，再唔係去下音樂噴泉睇下，之後如果仲食得落，去大三元食碗手打肉丸粥，之後差唔多時間走啦．
可以睇下有冇套票賣（有D係來回船飛＋觀光塔tea buffet嘅），會抵D．另外，晚飯最好提早book位．
如果全程的士，都唔會太貴，澳門－＞氹仔，氹仔－＞路環，都係$50一程，澳門市區內，就大約$20，好多點同點之間好近，唔需要坐車（行路20分鐘內），問題係而家都幾難截的士．

在你住的酒店對面行3分鍾就到氹 仔舊城區--及-龍環葡韻,該舊城區有一處官也街有各種手信買,及澳門各色各樣美食,漁人碼頭同金莎在港澳碼頭隣近,搭酒店巴士出去可到,至於大三巴, 議事亭前地, 東望洋山, 澳門觀光培等地區可搭18號巴士全到,上述地方有指示牌,問人亦可,你一出碼頭,有一旅遊諮詢處可取免費旅遊地圖,即可看到更詳細指示.現在澳門搭的士是一件難事,有錢亦難找車.