請問有無師兄用緊石橋-MY01?

Potenza MY-01 係 Potenza 系列之中最低級的一款, 係泰國製造, 本身 design 比亞熱帶地區, 由於設計比較須耐高溫, 呔膠比較硬、耐磨、襟用, 缺點係比較跣, 比起同廠 Potenza G3, RE01R, S03 屬於較經濟, 而且較適合中小型房車使用. 如果馬力較大及重身的車就不宜使用 MY-01了.
如果你唔係快跑或經常走急彎, 呢條其實十分夠用而且好耐用, 而且都幾岩 VRM 呢類中型房車用. 如果 215/45/17 我相信都係HK$700/條 以下, 其實都幾抵用, 相比其他呔如 Potenza G3 或半R呔如 Yokohama AD07、Potenza RE01R動軋也要HK$1000過外實屬十分經濟.
另相比 Yokohama ADVAN S.Drive, MY-01 會比較嘈, 但S.Drive 價錢比較貴, 而且 S.Drive 左右呔紋是不對稱的, 日後要做左右 "反呔" 也比較麻煩. 故 MY-01 其實也是一個不俗的選擇.

這款軚屬高性能一族，專為跑車而設，適合用於雙門跑車一類，貼地，反應快但磨損亦超快，若你部車經常負重高情況會加劇。不鼓勵用於四門房車或小汽車。壽命短是意料中事。

敢問你打算放於那一款車(年份、型號)，以便再給你資料看是否適合。

2007-02-24 11:10:07 補充：
嘩，你條MY01好似喺 "V" speed rating 噃，唔算普通啦，好彩Galant唔算重，都okay 啦。