你地有冇介口架??生左/未生都可以答

我而家有咗34週, 都係選擇性咁介口, 朱古力一直冇介過, 雪糕/冷飲就食少咗, 汔水冇乜點飲過, 因本身都唔太喜歡有汽飲品, 奶荼都每星期忍唔住會飲返一兩杯

完全介的包括:
香蕉 - 媽媽叫千祈唔好食, 容易小產, check過internet話香蕉含豐富鉀質, 而鉀質會引起子宮收縮, 所以都聽咗阿媽話冇吃過
所有生的食物 - 私家醫生吩咐唔好食怕有菌會食物中毒, 有小產危險, 加上就算大酒店d壽司都試過有人食物中毒, 所以一直都忍住冇食過

其他d人話要介, 但自己本身唔多喜歡咪唔食囉, 如木瓜, 羊, 偏涼的食物...
好鐘意食的可以食少d, 完全介晒會有時令玎自己好唔開心架, 我覺得反而會影響到個bb, 食得均衡唔好過量就ok

另外, bb膚色是遺傳的, 同媽媽懷孕時食乜無關

我都有o左就o黎八個月~~~同你一樣都無咩介過口
又係好鍾意食朱古力同埋生冷o野
不過我飲奶就ok唔會嘔囉~

雖然我唔係點介口~但係食咩都唔會過量
太刺激o既o野都唔會點食~~~蝦,蟹,羊,蛇就真係完全唔食~~~
因為驚自己同bb都會敏感

有d人就成日話食d黑o既o野好似朱古力,咖啡,芝麻糊...........bb出世就會黑
但係我個人就唔係咁認為囉~~~~^^"

我係頭三個月有戒口... 因為驚bb唔穩定會流產... 果三個月好似乜都唔食得... 直頭想死啊...

過左三個月之後... 我就開始食少少自己中意食的野... 例如m記.. 雪糕.. 等等... 不過咖啡奶茶我都一直有戒...

其實我覺得好多時係心理作用囉... bb皮膚好唔好應該都會係遺傳... 你都唔擔心得咁多.... 不過好多人話八個月後就可以開始食涼野... 你可以食多d芝麻糊... 飲豆漿.. 腐竹雞蛋糖水.. 白蓮須... 咁樣bb生出來皮膚就會靚靚啦... ^^

我都無特別有介口, 唔飲有"冰"既野, 日日都有飲朱古力奶, 因為怕飲純味鮮奶, 有飲唔凍或無雪汽水或紙包飲品, 有食朱古力作甜品, 我都有睇過文章話朱古力有助孕婦舒緩心情.
食方面: 生冷或"毒"食物無食, 但有食煮熟左海鮮

你可以搵啱你口味既奶黎飲, 有木瓜味或飲SOYA MILK, 總好過少少奶都無飲! 孕婦奶粉都有朱古力或雲呢拿味, 我試過飲, 奶味唔重, 比鮮奶輕, 可以一試.

梗係唔會啦,d黑人飲幾多奶都係黑,bb的皮膚好睇父母的膚色,不用太擔心
我生bb時都飲唔到奶,e生話唔緊要,如你飲了嘔出來咪仲辛苦,你有沒有吃鈣片呢?但bb不是黑蚊蚊的,至於食生冷野,我除左唔飲冰的飲品,我都有經常吃壽司,只要乾淨便ok.

我家姐有o左時，佢有介口重介得好清同埋唔食咁多，
但到佢生BB前1個星期，佢就比較食得多D，不過都
食得好清，而家個BB已經10個月大o拉。
我都聽講過飲朱古力會黑，但係唔知有無根據，如果
你怕就轉飲鮮奶，不過你話飲奶會嘔，或者你盡試飲奶，