有邊間健身中心好呢?

Physical 分店多, 價錢算平, 地方環境都幾好 (每月約$300-400)
California Fitness 屬中上級, 價格合理 (我都是member) (每月約 $500 -700)
Pure Yoga 淨玩yoga, 旺角朗豪坊那間超豪華, service 好, 價錢貴少少 (每月約$700-1000)

上述男女合用
視乎您會一次過簽幾耐plan,您可以盡力講下價, 又或者您心目中有個價, 可以試下同他們議價, 不用怕, 因為間間都係, 您講價就有得傾, 當然您可能要簽2-3年plan, 又或者一次過付有discount.

初初做 gym，最好去康文處轄下的健身室。價錢平 (政府嘛)，設備ok (足夠初學者有餘)，又有駐場教練指導，呢點極為重要！因為你要識得點用點玩，先有效果，否則不但減唔到肥，重可能會受傷添。

另外，想減肥的話其實做帶氧運動 (跑步，踩單車等) 已經好有效，唔一定要做 gym。

我個人並不建議初學者去 California 或 Physical，尤其更要提防 California。因為 California 無免費教練，你去到唔識玩都係無用。更重要的是， California d sales 同教練質素都好參差不齊。好多網友去到都比人硬銷，結果就破大財。

老實講，California 係貴o野，唔係適合初學者去，更加唔係比 budget 有限的人去的......

如果真係唔想去康文處健身室，咁 Physical 會比 California 好，因為d sales 同 教練無咁 hard sell 同麻煩。不過我唔係 Physical會員，詳情唔係太瞭解了。

其實，你可嘗試到加州健身中心、舒適堡健身中心，它兩間是全港是算首屈一指之健身中心，價格理應合理，就似乎你的情況，例如：你不僅只是使用健身中心所提供的儀器，可能間中需要健身中心的專業人材（例如：運動心理專家、食物營養治療師等）所提供服務，價格可能要貴一點。
如果你想免費的話，請你不妨嘗試在田徑運動場練習緩跑約三十分鐘、在全港康體署轄下泳池練習游水約四十五分鐘、在全港康體署轄下的室內健身室進行健身，但當地要接受「正確使用健身室設施簡介會」測試或出席「器械健體訓練班」八成或以上，你就可以享用室內健身室，屆時你可以一舉兩得，一面可以享受健身過程，另一面可以可做健身教練。上述的方法是可以值得你多嘗試。
我希望你接納我的建議，謝謝！