好唔明白腳內則呀

腳內側便是內腳眼的那一邊 (以左腳為例，腳部向著右腳的那一個位置便是腳內側)。

要射門射得大力，練腳力根本就是不二法門。

腳力當然有得練。
踢波要夠力靠下半身的肌肉，腳部肌肉嘅爆炸力當然最重要。而所謂爆炸力其實就係瞬間肌肉的強力收縮。
不過我先要稍為解釋肌肉結構才能令你明白點練腳力，小心悶親。唔鍾意可以跳到鍛練方法。
人體肌肉以纖維分類分兩種:
第一類
俗稱慢纖 (slow fibre)，持久性強，不易疲勞，但肌肉收縮時速道缓慢，馬拉松運動員的慢纖鍛鍊得好好。
第二類
俗稱快纖 (fast fibre)，又分A及B兩類，肌肉收縮時速道快，IIA類比慢纖快五倍，IIB類比慢纖快十倍，運動員的爆炸力就來自快纖，但持久性不高，容易疲勞。跑100公尺就係用爆炸力，但唔會爆得好耐。
不同的鍛鍊方式可改變肌肉纖維的性質，例如講求耐力的運動可將IIB纖維變做IIA，但耐力的運動卻不會令肌肉增大。舉重運動 (weight training) 寸增加IIB纖維的大小及力量，所以職業足球員一定會做 gym。

如何練腳力?
講咁多理論，到戲肉了。
專家認為要練IIA及IIB肌肉纖維，除做機外，有兩類exercise最理想:
1. Drop jumping
Drop 係跌落嚟咁解，drop jumping 係由一高處跳下，然後馬上跳起，掂地的時間越少，效果越好。簡化版係蛙跳，但蛙跳冇咁有效。
2. Hurdling 及 bounding
Hurdling 是跨欄，當然唔係每個人都係劉翔，但跨欄或跳越障礙物的鍛鍊可增加肌肉的爆炸力。Bounding 是彈跳，可雙腳可單腳，但最好不要原地。跑上樓梯(不是落樓梯)其實最可鍛鍊肌肉的爆炸力，但卻最傷膝頭，我不太鼓勵。
另外，短跑亦可鍛練IIB肌肉，順便練下速度。對踢波幫助好大。
順帶一提，做機的話，做每個rep要慢動作做，唔好澎澎聲，咁係練唔到IIA同IIB纖維架。
做足上面咁多樣，唔駛一個月應該開始見成效。練好下半身肌肉嘅爆炸力後，就要踢多啲波，踢波係講全身協調，練到腳瓜起唔表示腳力好，要用得其所。
祝君成為香港卡路士！



參考資料:
kiriyama_net既ans

腳內側踢波其實有兩種。一種有篩，一種冇篩。
第一種係香港人叫嘅掃把腳。掃把腳係冇篩嘅。
用掃把腳踢波差不多係少年足球訓練班第一堂所教嘅基本功。用嚟傳波同射波雖然唔夠勁度，但準繩度高。
用腳內側的中間部份, 即腳的 arch 位傳及射球。如果是以掃把腳射入波，通常會話掃把「燙」入。
笫二種係 bend shot，用腳內側chok 篩。
碧咸的香蕉型罰球及七旋斬便是用腳內側。球會有篩而球是以曲線運行。
用腳內側chok 篩先站在球的側面，用右腳就企左側，瞄準目標、助跑，助跑最後一步稍大、然後拉弓，用腳內側拇指對落少少(约二吋)位置朝球的右側踢(但唔好批咁薄)，踢的時候就落篩，情况有如打乓落篩一樣，跟住隻腳「科佬」，這時球便會旋轉，先從外邊飛去但瞬間又飄返中間。
腳內側香蕉球其實不太難，練半小時應該可以學會，練時要注意動作的連貫性。
Beckham 示範: http://www.youtube.com/watch?v=c5bRoWtGcWU
其他人示範: http://www.youtube.com/watch?v=88BTU3eQHSo
P.S. 樓上第一個練腳力個答案係我辛辛苦苦一個字一個字编寫，並非什麼kxxxxx的答案，尊重資料來源，是對自己的尊重，人必先自侮然後人侮之，何况答案根本就離題。

2007-02-22 10:09:04 補充：
答非所問，又一次証明網友見最長答案就揀。