潮式煎蠔餅點樣煎法, 不要有腥味.

煎蠔餅用嘅蕃薯粉喺雜貨舖就可以買到,價錢大概$5/斤左右.

蠔餅潮州人叫蠔洛,台灣人叫蚵仔煎,廣東人叫炸蠔餅.鄙人有幸,娶得潮州美女,泰山曾經在上環潮州巷經營大牌檔,是個中高手.每年蠔仔當造時經常在家中煎製.普通石油氣爐都得,唔駛用高速爐.煎蠔洛唔係講鑊氣.最緊要材料新鮮,技巧同埋調味.蠔仔話明當造緊係靚啦.加埋一級薯粉.葱粒,豆辦醬,鷄蛋.芫茜.先將蠔仔洗淨薯粉加水再落葱粒撈勻.燒烘隻鑊加油,將先前撈勻既蠔仔落鑊煎香然後加蛋再落豆辦醬,蛋好快熟,用鑊鏟分件(免得大家用筷子篤),上碟加楜椒粉落芫茜.完成.講雖然好易.但個中技巧當然唔係容易掌握,多練習自然了解個中真諦.


潮式煎蠔餅

材 料 : 300 克蠔仔
1/2 杯水
2 隻鴨蛋
1/2 茶匙鹽
1 棵芫茜
1 湯匙生粉
1 湯匙荵粒
4 湯匙蕃薯粉

調味料 : 1 湯匙魚露
胡椒粉少許

做 法 : (1) 蠔仔用生粉抹勻,再用清水洗淨,飛水備用.
(2) 蕃薯粉用水開勻,加已打勻的鴨蛋,最後加蠔仔、鹽及荵粒.
(3) 燒熱鑊及油,用半煎炸方式以中火分兩次煎蠔餅至金黃,灑上
芫茜及調味伴食.

用豆辨醬及魚露伴煎蠔餅嚟食,風味更佳.



希望可以解答到您嘅問題啦.Thanks.

在差不多煎好時,加入大量胡椒粉,便會更香兼無腥味.

上面那位講得很好, 但我媽媽有另一做法, 她不加芫茜, 因我不吃, 改用胡椒粉去腥, 而我們又不喜歡鴨蛋, 所以用雞蛋代替, 一樣好好味.