教琴一問～

搵學生既方法:
1/ 緊係先問教緊你既鋼琴老師有冇其他學生俾你教啦~
2/ 可以去各大琴行報名教琴. (如tomlee, 柏斯等等) 因為佢o地間唔中會開D course俾老師去教你o地點教D學生, 咁你之後出黎私人教都有幫助.
3/ 去多D細琴行仔搵學生.
4/ 可以去社區中心報名教琴. 香港有好多社區中心, 都會開琴班, 你可以去睇下. 不過人工就真係比較低.
5/ 上各大補習網/討論區留資料搵學生, or出百佳/惠康出街招.

收費:
你可以去各琴行睇下個價, 再上D補習網址睇下, 之後再自行決定自己收費.
教琴行就可以唔洗睇啦! 不過你要計返, 都會同你收導師費, 唔知係每堂收幾多個%咁既.
而私人教既話, 可以睇返個價減少少.

你既學歷一定冇問題! 慢慢有經驗就ok家啦!

p.s. 教琴地點你要諗wor. 琴行就冇問題啦, if私人既話, 多數上學生屋企. if學生屋企冇琴, 就可能要去導師屋企, or出去琴行book琴啦.(雖然琴行book琴教自己學生好似唔多好)

教琴有冇問題呢??? 冇問題

如何收費??用市價。

初次教琴,可以用咩方法搵學生?百佳惠康、、、、，

初次教琴最好去搵琴行教,教琴唔係話彈得叻就會教得好,要慢慢累積經驗,如果o係琴行教始終有其他老師,有時言談間交流下都對自己有幫助,假如一下子某然一開始就教私人而又未掌握到個教學方式就好易做壞自己招牌,教琴都好講口碑,你教得好學生,d學生家長就會介紹d人比你.所以開頭慢慢啦唔好心急.加油喔~!

教學經驗一定要累積，如果可以，搵多少少演出機會，對你個人技巧同競爭力都會提升, see see my site if i can help..^^ thx

www.gcdmusic.com.hk
呢個係新開網站，香港註冊公司，只作轉介，並不是琴行，比導師搵學生，學生搵導師，如無適合導師可代為搜尋，寄email後會以電話聯絡，夠直接，試下la..^^

冇問題!宜家好多雜誌,報紙都可以搵學生,你可以自己去琴行搵都得!