應唔應該放隻狗o係屋企周圍行?

我都建意你買左個圍欄比狗狗(我會放個籠入圍欄內,開住籠個門比佢出入,個籠主要係比佢大小便之用)...我隻狗狗聽日就3個月大喇...佢返黎頭4日我淨係用籠困住佢,一有時間陪佢就放佢出黎,但一放佢出黎,佢就會周圍大小便,間中佢都會自己走入籠尿尿...第5日買左個圍欄比佢,佢自己就識走入籠度大小便,間中都有做錯(有時我覺得佢係特登做錯引人注意,因為佢多數係在有人係度但唔理佢既時候做錯,但無人係度/我地訓覺既時候佢就做得岩)...其實狗狗都幾鐘意乾淨架,所以佢唔鐘意在食同訓既地方大小便...

教小狗唔可以太仁慈,佢做錯既時候就要惡d話佢,做岩就要讚佢...我用以下呢兩個方法教狗狗去厠所:
1. 當佢食飽就困佢去你想佢作為厠所既地方,若無其事咁陪在佢身邊,見佢柯完就讚佢乖同比d小食佢,之後先放佢出返黎
2. 若佢去錯地方大小便,就即刻捉住佢㯲佢個頭要佢嗅下佢d便便,大聲話佢唔岩,跟住執少少佢便便放去佢個厠所度,帶佢去佢個厠所度睇下話佢知個厠所在果度

你唔好成日困住狗狗,但唔建意無人睇住佢既時候放佢周屋走,因為佢地好奇心好重,又唔知危險...你一有時間就應該放佢出屋走下,但你要睇實佢,佢一有咩做錯就要話佢,慢慢佢就會知咩係做得咩係唔做得...另外,你要保持屋企清潔,因為狗狗會周圍嗅同沾地下...特別係未打齊針既狗狗,抵抗力會差d,比較易病...

NO lar, 3 個月未打哂針放佢出黎行會好易有病,到時後晦太遲.

我隻小狗都係3個月大，或者你可以試吓好似我咁買個不銹鋼嘅圍欄，等佢可以喺有限嘅範圍內活動。我已經成功咁教咗小狗去厠所，都唔係好難。你俾啲耐性，每次佢喺第二度痾咗你就要立即將佢按喺唔啱嘅地方，鬧佢"NO"，然後立即帶佢去正確嘅位置，只要教多幾次佢就會識去架喇..如果佢去啱位置，你就俾粒狗糧同話佢good boy/girl。我隻返黎2個星期就做啱喇。你都加油呀!

我都唔係好贊成屋企冇人時俾幼犬四圍行，因為佢地會因為出緊牙，牙痕而周圍咬嘢，如果咬着電缐，或者亂食嘢就分分鐘命仔不保。所以我先買個圍欄俾佢..屋企有人時時睇實咪可以放佢出嚟玩囉。不過你嘅當務之急，係教咗佢去厠所先啦!