自家整負離子

其實以家出街整負離子都好平之麻...你係屋企自己整又要買負離子膏同埋負離子夾...仲要自己咁辛苦整...計返條數係差唔多架咋...
加上負離子都唔係咁易整架...你唔好睇佢好易咁夾下夾下就得...想整出黎靚真係要學過架...我以前都做呢行架...幫人整負離子都會成日整親手架...因個負離子夾180度熱...
不過如果你都係想自己整既話...就要小心d喇~
負離子膏同埋負離子夾係一d專門賣髮型用品既地方有得賣...例如"天然"個d...
馬鞍山髮型屋我就冇咩可以介紹俾你喇...但係如果你真係髮型屋整既話...整完發現唔夠直...又或者第2日第3日就曲左...係可以返去間髮型屋叫佢幫你整返好架...大多數都係收返洗頭錢...有d仲會唔收錢
至於仲有d咩方法可以令到d頭髮直d...老實講其實係冇乜...但如果你唔怕煩既...可以自己學下髮型師咁吹頭...不過維持既時間好短~