何謂數白欖？

依家喺一啲粵劇或者京劇裡面係可以欣賞得到數白欖嘅表演；而學術一啲嚟講，數白欖其實已經歸咗入戲曲中一門「說白」嘅學問之中。


數白欖雖然冇規定話要咩格式，但一般嚟講，最普遍係會用「三三七」嚟進行，即係頭兩句都係三個字，而第三句就係七個字嘅句子。以下用咗【數字歌】嘅歌詞嚟做例子：（上面有黑點即係表示拍一吓，拍嘅時候要有規律；大家可以試玩吓）

●　●　●　●　●　●　●　●
一二三，三二一，一二三四五六七，
●　●　●　●　●　●　●　●
二三四，四三二，四五六七八九十。

如果有睇過香港電影明星周星馳嘅喜劇作品《唐伯虎點秋香》，劇中有一段戲都有玩形式類似嘅數白欖，不過佢嘅版本係一個誇張版。而另外一個喺香港算係好多人聽過嘅，以中國醫學為基礎嘅中藥補健食品廣告，亦都有用數白欖嚟做宣傳，其中一句「鋤得多，傷氣力，消耗一定要補充，唔想失威悲到極」更加係耳熟能詳呢。

是說白的一種形式。數白欖時，掌板利用敲擊樂器卜魚打出板。白欖多為三字句、五字句或七字句。句數不限，可無限延伸。基本上不分上下句，單數句可不押韻，雙數句必須押韻，一段白欖的最後一句亦必須押韻。至於押韻是平仄自由，一般來說大部分是押仄聲韻。