收幾錢人工才會接受無理取鬧o架老闆

比老闆鬧其實唔係太大件事,香港大把人都係咁樣,好似我個同事成日都比人鬧佢都仲頂得到,我自問如果係佢我就真係走左好耐

比老闆鬧都要睇幾樣野,究竟自己有冇做錯,如果註明左無做錯都要諗清楚,有好多老闆唔係對事唔對人,而係對人唔對事,會唔會自己曾經係對方心目中留左壞印象,又或者有人係你背後不斷向你老闆落藥...........

尊嚴----每個人的看重都唔同,如果比我,我會睇番自己的工作性質,就算佢比到成百萬人工我,我都未必願意做一份成日比人鬧的工,因為工作係我心入面佔的位置都幾重,我講的係個種成功感同成就感,唔係錢可以取替! 同埋如果做得唔開心,除左會有壓力,仲會谷出個病黎,咁樣最後賺幾多都補唔番,

除非自己真係完全冇能力轉工又同時十分需要個份糧,否則有得揀我都會走......人生苦短,咁樣捱法有乜謂?!
佢鬧你佢都唔見會特別開心呀,大家都唔開心,合則黎不合則去,咪算囉
東家唔打打西家啫

幾多錢才會接受毫無尊重的對待 ....... 這個好因人而議架喎 !!! 有料既人我諗比幾多錢都唔會做。

我公司都有一個擦鞋仔，電腦又唔識、英文又唔識、普通話又唔掂，人工8000，日日都比老細插，插完仲笑笑口，我諗搵掃把打佢都唔走架啦，但係佢好在識得豆人開心，成個小羞咁，我估老闆都係想平平地搵個人回來發洩下姐 !! 你地話啦 .... 條友仔 8000 人工，算唔算比多佢呢 ??

月薪五萬, 一星期五天工作, 每天八小時. 咁就任閙都得, 我當去咗精神病院做護士, 我會做好呢份工! 我依家份十零K, 咪一樣周時俾客無理取閙, 頂得順.

每份人工基本上都包含皮肉錢(比老闆及上司鬧你嘅皮費), 但係你忍受唔到佢哋嘅就放吓假順便睇吓你做嗰行有無境, 有境嘅話咪轉工囖。記緊打工金句, 魚唔過塘唔會大。放開懷抱啦, 各位打工仔。

如果每月人工10萬元, 1星期5天工作, 每天工作1小時 , 咁俾佢由開工鬧到收工都無所謂, 當自己係佢心理醫生, 日日同佢做心理治療lo

如果個老闆出唔起咁既條件, 車! 佢有一把口, 我又係有一把口, 佢鬧我一句, 我頂佢9句, 一言九鼎係我既平生絕學, 你想學我教你, 最多佢頂唔順出多個月人工叫我唔好煩住佢, 佢唔敢唔出架, 如果唔出佢要坐牢架, 到時未搵第2個尊重自己既老闆lo

如果個工係好得閑又有1m5咁係做
如果係好艱苦既又得1m左右
就拍個囉友同佢講拜拜
不過過左2m又唔同講法
咁就繼續做啦


希望我d答案可以幫到你啦