小學6年級應唔應該拍拖？

個人意見 唔應該
就算真係拍拖 都只係玩玩下 唔會係終身伴侶
而且
無可能可以做到
「好好分配時間 ，
成績冇退步，唔會分心，
成績仲可能進步」
就算講可以點可以點
做大人係最清楚既 所以 為左大家將來著想
都係努力讀書啦
不聽老人言，吃虧在眼前。正是如此

如果係可以好好分配時間，<-- 你有幾多時間分配給家人同朋友
成績冇退步，唔會分心，<-- 唔會分心?! 如果你女朋友仔病咗, 會唔會學都唔番去探佢?
成績仲可能進步，<-- 因為你要話俾人聽, 唔會影响學業
咁可唔可以拍拖？？<-- 未讀完中學都唔好拍拖
D大人點解話唔得？<-- 你話點解D大人唔俾呢? 你有經濟能力嗎?

可以點反佢地？<-- 冇得反, 一係分手. 一係就玩地下情.

完全唔應該!!!!!!!!
小 6 咋 -.-
育都未發好呀小朋友...

我中2拍拖, 後悔到而家...
個時自己唔識諗就一齊拍拖, 搞到好似玩玩o下唔認真咁/
諗清楚 d 先啦!

我唔係大人，只係一個F.5 ge 小朋友，
但我都曾經係６年班學生，希望我ge意見幫到你

你拍拖ge 定義係乜先？開始之前一定要問清楚自己
你一定一定要好清楚自己ge 底線係乜野
然後堅守原則
而家Ｄ couples 好開放，年紀輕輕就做好多兒童不宜ge野

6年級其實仲係好細個
我覺得拖手仔已經係最大極限
你自己話丫嘛~要好好分配時間，成績要冇退步，唔會分心
如果成日掛住佢，同佢出街玩，又點可以專心讀書呢？
應該視佢為成長ge 伙伴（越講越老土添）
唔好太依賴對方，留返多Ｄ私人時間比自己----唔係見得多就叫好ga~

至於點反駁大人，我勸你打消呢個念頭啦
即使思想再開明，大人始終係長輩，始終覺得你地未長大
起佢立場，就算你保證任何野都唔會容許咁細個就拍拖
即使係我，第時做呀媽都會反對仔女
原因好簡單，因為你地仲未成熟

不過你又唔洗灰，中意一個人冇人阻止到你ga
只要你地規規矩矩就冇問題啦

以下是我的經驗, 和我見到我朋友的經驗, 和雜誌的數據, 如下:

優點:
1. 可以試試拍拖, 又可以開心些.
2. 如果個女仔 (男仔) 好, 可以先 "落住掟", 驚住第二時比第二個男仔 (女仔) 追咗.

缺點:
1. 根據統計, 只有 5% 係中三或以下的學生成績進步了, 其餘全部退步了.
2. 中三或以下拍拖, 只 0.5% 的情侶能夠結婚, 90% 反手會變成仇人, 不見面, 因為不懂得如何處理分手.
3. 有 30% 中三或以下拍拖會有性關係, 其中 10% 會大肚, 你負擔得起嗎?
4. 中三或以下拍拖的人有95% 後悔第一次在這段期間開始拍拖.
5. 小六至中三為人生變化很大的時間, 連自己性格都未穩定, 點樣同男 (女) 朋友相處, 還要希望結婚? 如果不打算結婚, 那為什麼要拍拖? 剩係想攬攬錫錫?

根據以上經驗及數據, 你的父母不想你受傷害, 所以咪反對羅!

我認為唔應該,因為你點知你成績有可能進步?d大人都係關心你

拍拖同讀書都係一樣需要時間,如果時間分配唔好,成績就會有所退步,呢個就係大人唔希望小朋友拍拖的理由,希望小朋友有自覺性或者可以成熟D咁處理問題先去拍拖.........因為拍拖唔單止需要你的時間,仲要需要你的心血,心機同埋會影響你的情緒,處理得唔小心可以好大件事.

雖然拍拖係好自然的事情,但係講到會好好分配時間,成績冇退步,唔會分心等等問題,可以講唔係冇可能,但絕對唔係用把口去講,係需要時間去證實!!!所以好希望你如果真係堅持,一定要做D成績比大人睇,好過諗POINT去反駁佢地,你越係反駁會越搞垮大家的關係,冇意思,反而你成熟D咁去做你認為係啱的事,同時又唔會傷害到任何人,用你的證據去話比大家知你的決定係啱架啦!!!