旅行社忽然結業..應如何追討????###急###

我都係今次力寶旅行結業既受害人,我係大埔分店訂既,
我訂左2月24日兩張機票連酒店...而家都唔知點算...
我訂既時候,同個位何小姐講左好多次,"""一定冇問題嗎?我一定要2月24日出發到
會唔會有咩變掛?""佢實牙實齒同我講一定冇問題....
而家我唔係想力寶比返8千幾蚊我,而係想佢比到兩個機位我同埋酒店我24號去囉...
因為我係力寶買唔係貪佢特別平...而係我1月26日個一日已經訂唔到2月24日既機票...
咁岩佢地有..個女仔仲同我講我兩張機票係係人地其他旅行團到R返黎既後補位..
咁我可以點算....問過旅遊議會...佢話賠錢都要等最少兩個月....
仲要得九成....冇全數....
我打去韓空公司問,力寶根本收左錢但冇幫我TAKE機位....亦唔知佢比左我地兩個名去左邊間旅行社既團到,而個D旅行團亦唔會咁快去TAKE機位,,最快要2月22日先知道....
而韓空公司亦幫我HOLD到兩個機位....但要5千幾一個仲唔包酒店...
如果唔要係到等消息....等到2月22日....如果力寶真係扼我錢冇幫我JOIN去其他旅行團
咁我咪上唔到機?
仲有....如果同一班我每人HOLD左兩張機票...到最後....旅遊議會仲有冇得賠?
我都好徬徨....
我留個電話比你,大家聯絡下追討進展啦 66983875 我叫阿MEOW...

2007-02-12 17:49:30 補充：
唔好意思呀,suki,今日冇黎到,因為我要去撲機票,終於買到了!請問你地今日情況如何?有否報警~?因為我正在考慮是否報警!

我仲慘...><
今日親自打去台灣間酒店問...
佢地覆我話我地個booking已經被旅行社取消左!!!
我返幾日就出發....我都唔知依家點算好!

我公司因為老闆同上司......全部都係台灣人
我地日本又有分公司........所以佢地成日要飛黎飛去
一年前佢地就叫我搵間旅行社做故定訂票
睇下可唔可以唔使親自去旅行社俾錢同拎機票
跟住我搵左力寶
我個個月都同佢出1至3張機票
仲要唔係團體特价嗰D
因為我老闆嗰D成日改期改行程
所以飛日本既機票次次起碼都要3個月期嗰D
飛台灣既就14日至1年期不等
今次過年......佢地全部都要返台灣過年
我上個月同力寶訂左5張機票
其中2張係要即刻飛既,所以已經攞左
但仲有3張......一直話新年D票冇咁早出
直到上個禮拜agent打黎話機票出左.....
但因為我上個星期二又訂多張機票係聽朝早飛既
所以佢話等埋呢張票先一齊fax比我
點知我等左2日佢都冇fax黎
因為我諗住咁熟咯.....所以都大安旨意冇打去催佢
我連今次張收據都冇叫佢fax比我先= =
咁啱嗰幾日我好忙,所以都冇睇新聞同報紙
到星期六....我上司話想將佢張票既回程改早一日
跟住我打比agent.....冇人聽......我前一晚都打過比佢又係冇人聽(我打佢直線既)
我以為佢放假!!直接打佢公司電話......又冇人聽
我由10點打到12點都冇人聽......我諗:"唔通佢鋪頭今日off?"
跟住諗住打去其他分店問荃灣店係咪休息
點知我打晒其他3間分店都冇人聽
我開始覺得奇怪.....有D不祥預感
半個鐘後......個agent打比我.....我奇怪點解佢唔係公司又知我搵佢既....仲用佢自己手提電話打黎添
我問佢點解公司冇人聽電話
佢問我:"你冇睇新聞咩?"
我話冇.....問佢咩事........佢話我知佢公司執左
佢唔通知我.....我諗我可能今日先知= =
佢仲話上個月出嗰3張機票佢已經收到......
仲幫我拎走左.....但岩啱出嗰張佢都未知咩情況
佢話今日先幫我check到.....因為噚日sunday check唔到
其實我覺得佢幾好.....佢會主動通知我.....仲幫我拎埋D機票走
我D fd都話佢算唔話得
所以我諗佢唔係預先知公司會執既
如果佢預先知.......佢冇需要自己主動搵我話比返D機票我丫
而且我見佢呢幾日都好忙.......應該佢自己都搞緊追討D野
但係佢叫我打去check下出咗嗰3張票機位係咪真係確認左
但我打去航空公司......佢一定要我比機票no,先幫我check
但個agent將D機票放喺屋企....佢一直冇返過屋企
所以我仲未打去確認機位.....原本我問過以前做旅行社既朋友
佢地話如果機票出左......應該唔會取消你既機位
但而家睇到你地咁講.......我好驚D位全部被取消晒
到時book唔返.......我唔知點同公司交代-_-
仲有我老闆聽朝先飛喇
而家我仲未知佢張機票出唔出到
頭先佢問我點解仲未比機票佢
我無辦法再穩瞞呢件事啦
你地講得好岩......而家唔係錢既問題
係仲book唔book得返個位既問題
呢個位我都book左好耐先book到
仲要經濟倉飛高雄連稅比左$4000
而且呢張票我連收據都未攞
仲有另外3張票既收據都係fax黎既copy
因為我地一向係以電話同fax交易嫁
咁我係咪唔可以去申請賠償嫁喇?
我仲可以點做?

我幫另一間旅行社買package己付清費用都好不安，但是要到出發前一日先有機票攞，去話係團體票，請間收據上的印花是否真假可從那處查到，謝謝。

我係nameow_nameow,因為答過一次冇得再答,
提一提已比力寶呢間扼錢旅行舍扼左既受害者,
本人已打過去賠償基金,亦將所謂既印花編號請佢地知,
而佢地亦質疑緊呢個印花其實係假....
所以請所有有幫趁到呢間野既受害者快d拎你地既印花去問下
究竟係真定假,以免其實得不償失,
佢地根本就係明知收皮都仍然繼續去做生意,
根本係無良,幾千蚊唔叫多唔叫少,
但係係佢地每個員工都知情既情況底下扼消費者就絕對唔岩,
我好興,興到出晒煙,已經問左好多旅行舍,
幫我係如期出返張新既機票都好難...
而家唔係錢唔錢問題,已經係有錢都冇時間出到,
損失既又點只係個六千幾...
我好興...
火都黎
『
]力寶旅遊大埔agent
何靜文小姐,你口口聲聲同我講一定冇問題ga,
而家搞到咁,我一定要係個一日上到機,而家我有錢都買唔到機位呀,
2月2日個日已經覺得你身有屎囉,但係你仲係到扼緊客買機票,擺明你
地成班員工都係夾埋黎扼錢既,你唔好話我知唔係犯法呀,
有老細頂唔係大晒ga,突然倒閉?我信呀,擺明就係有預謀既結業啦,
唔係點解新聞由早報到晚你地一個員工都冇出現過先...
明知倒閉客人一定得不償失,你地有限公司就拎住客人既錢unun腳話收皮,
係,有限公司,每個人幾千蚊呢d少額告你唔入ma,你亦會唸唔會有人為左幾千蚊請律師
黎打,但係你地而家燒著唔止一兩個火頭囉,係二百幾個火頭,我睇你地點死啦,
』

我起旺角部分店,買左張去芝加哥的機票, 我地明明問清楚大x航空公司,佢地話我地有book及comfirm左我地d位，力寶仲有出e-ticket比我地啦。點知, 今日大x航公司無端端話唔對現,又話幫我地自動cancel左d位, 有冇搞錯呀！我地打左三次去話啦！分明將d責位推起我地小巿民身上，d乜乜小額xx審查處,又話佢地係有限公司,佢地請律師告佢地，有冇搞錯呀！

如果有什麼行動，請知通我地
[email protected]

2007-02-09 23:30:12 補充：
仲有呀,今日睇新聞,都無職員去追討欠薪,分明佢地都知道會清盤,騙返一筆人工先走啦！所以佢地係商業犯罪！

查詢或投訴請致電議會消費者關係部，電話：(852)2969-8188

香港有旅遊業議會同消費者委員會可以追究, 如果係正式有註冊的旅行社好似有得賠, 而家你即刻去第度再訂機票先啦, 賠償呢d嘢有排搞.