點先可以唔鐘意人??

你鐘意佢,佢知唔知道先,如果佢唔知,咁即係你暗戀佢啫!
咁你咪唔想佢,唔睇佢,唔理佢咪得囉!
你對自己講,係我自己幻想啫,佢有乜值得我鍾意吖,咁樣既男仔大把啦,你憂第日無咩?
而且跟本佢唔會鍾意我嘅,我地唔啱嘅,男女關係好鬼煩嘅,千祈咪真係鍾意佢呀,盞自己搵麻煩來搞咋!
你多d同其他人玩,當佢同其他人一樣無乜特別就得囉!
盡量令自己忙碌,安排多d其他活動,令自己無時間得閒想咁多野啦!
以上咁多辦法你做足應該可以忘記佢咯!

哈哈。呢個問題...都成日發身係我自己身上。
明知我同佢唔會有結果，但都係繼續鍾意。
我試過係咁諗佢既不是，幻想佢對自己點衰點衰，
令自己唔鍾意佢，甚至憎佢。
但呢個方法可能對我唔WORK啦，
諗完佢既唔好，果一刻，真係好似放低左佢咁，
但當你見到佢，或者聽到佢把聲，你又好自然咁留意佢，
望望下，你又覺得你頭先幻想既野同事實係唔一樣。
跟住又會鍾意返佢-0-
好..講返正題！我覺得有兩個方法，你可以學我咁做，
作佢既不是，令自己唔鍾意佢，又或者...
搵多Ｄ野做，令自己好忙，咁樣你慢慢就會唔鍾意佢架啦。
搵野做係因為可以令到自己冇時間去諗佢。

希望幫到你啦^^

2007-02-10 17:46:04 補充：
發身＞＞發生唔好意思，打錯字

我都學左好耐,不過都係未學識.
如果明知係冇可能既,就唔好諗咁多,諗黎諗去都冇用.佢係唔愛你既都冇辦法.對o個個人既事不聞不問.咁樣會舒服d.

發掘其他興趣, 同朋友出街, 都可以令自己放鬆, 唔駛諗埋一邊