見習長線領隊工作前景、薪金問題

自1999年7月1日起，所有旅行團領隊必須通過考試，領取證書及「領隊證」才可以擔任帶團外出的工作。本地導遊到了2004年7月1日，也必須持有由議會發出的有效「導遊證」。有志在行內發展人士，可以在考試前修讀有關的備試課程。 領隊課程由香旅遊業議會主辦，內容廣泛，例如領隊的角色及職責、有效的帶團技巧、出入境須知、旅遊保險、危機處理、急救等等。至於本地導遊課程則是教育統籌局技能提升計劃的一部分，課程重點在香港知識、顧客服務、旅遊文化、導遊技巧等。基本上, 如果你想由 A- 見習領隊 --中線(東南亞)領隊;都唔會太耐, 因為我見o個時由領隊返工, 跟住上大概一個禮拜training, 之後開始落分行坐counter, 開頭一.. 兩個月未必有團可以帶, 因為都係想你o係分行學多啲野先, 之後開始有得帶一至兩日國內短線, 之後就係過probation 啦... 過咗probation 之後就真正已經開始有得帶台灣.. 韓國團.. 最耐唔會超過半年就應該可以帶到東南亞團;
但如果係想由B - 見習領隊 ---長線(歐美)領隊 咁樣升, 都有既.. 但係就通常都係degree holder 先得囉.. 如果唔係都係要由 見習 --> 中線-->長線咁去.. 咁我做嗰間旅行社, 就係一開始未過probation 就係 T grade, 過咗probation 之後就升C grade, 做一至兩年就升B grade, B grade 其實都已經可以有啲算係"長線"既團.. 例如中東呀, 南非嗰啲囉... 再做多一.兩年就可以升A grade, 到時就真係可以帶歐美既長線團啦, 但留意呀, 如果你真係有心升上去, 要留意下自己啲英文得唔得, 因為如果真係升A grade, 佢地要做英文test 既
----做領隊可持續多久? Ans:基本上, 自己唔覺得辛苦, 好多領隊做到四.. 五十歲都得.. 反而最難捱係啱啱開始做見習既時候, 因為嗰時係人工最低, 底薪只係二千幾三千, 其他就係靠帶團既小費啦.. 所以我嗰時見啲人都係頭半年最易走.. 因為真係每個月得四.. 五千蚊都唔知有無.. 有啲人要交租交水電已經無晒.. 所以最難捱.. 但捱過之後, 開始多團出就已經basically 應該有八千啦... 我見到好多做到over 六.. 七年嗰啲領隊都好好搵, 因為佢地已經係A grade, 閑閑地出一個歐美長線十幾日, 一團廿幾三十個, 每人每日五十蚊, 再拆少少俾公司, 已經有成萬蚊啦.. 講緊係一個月唔係剩係出一團喎.. 所以.. 都ok 架..
但你自己係要諗, 生活時間真係好唔穩定, 同埋真係無時間陪屋企人呀~ 如果你要陪家人, 就要諗清楚啦.. ^^
--- 除了一直由見習領隊晉升為經驗領隊外, 可以由領隊晉升為旅行社其他(更高)職位嗎? [會有這類實例嗎?機會大嗎?]
ans:可以, 因為我做開嗰間旅行社都可以咁樣做.. 機會十分大, 可以幫你做internal transfer 入operation 做product 既野.. 因為既然你做咗咁耐領隊, 佢覺得你有經驗做product 既野, 如果有人走你就可以入到operation 啦~~
5. 如領隊真的要轉行, 什麼行業和職位為多呢?
基本上, 可能會轉ticket 為多, 因為其實都係同travel差唔多, 只不過係讀多個abucas就可以做到...

永安及康泰比較好。
通常都是底薪(1,800-3,000) + 出團的小費
晉升機會每間都有分別的，在這一行競爭都好大，
而且要懂應變才有前途。