電單車駕駛方法

1.慢慢放極力子(好緊要)，唔好一次過放曬，慢慢放，順住放，如果唔係好易死火同好choi。油唔好太大(大油少少都唔緊要)，如果唔係會有同上o既問題。
2.你是否有以下情況，想加速o既時候比油比得太多所以好choi。記住，你唔係去賽車，所以基本上係唔需要比好大油去加速(緊急停車考試例外)，比油時唔需要急，油門要慢慢放，順住放。
3.比大少少油(剛開始時可以唔做這一步)，收盡油，那住極力子，take波，放極力子(一下放曬)，比油
4.收盡油，那極力子，take波，停車
5.你係唔係講緊急停車，如果係就那極力子，收盡油，頭尾迫力(唔好大力那)，落腳。總之，左右手，左右腳都要用。

如果你使用的電單車有轉數錶，會容易學習好多，因為我覺得你最大問題在油門過大才轉波，在低波段時會更明顯不穩定，因引擎馬力輸出過大。
通常以100 c.c.電單車計，平路起步約為2500轉，上斜起步約為4000轉，開車放cutch時要慢。
向上加波約於4000~5000轉，放cutch時可以快。向下減/降波時約於3000轉，放cutch時則要慢。
考牌時在一、二波停車是可以的，其於波段就要先降至二波才停車。只要握緊cutch，用brake慢慢停下，當車停定後，才入空波。
如果在駕駛學院之電單車無轉數錶，則要以聽引擎聲響來估計。