新加波同香港的分別,文化差異

本人之家姐已移民新加坡多時. 我去過新加坡超過10幾次 ka la. 家姐亦有生意係個邊. 我依家都考慮緊移唔移埋過去. 故對當地都頗為熟悉.

個人覺得, 新加坡人文化水準比港人高少少. 佢地係全英語教學. 有時夾雜國語. 對於話劇, 國際性舞台劇, 外國藝術電影; 佢地既接受性都比較高. 因我都識 D 新加坡朋友. 成日交流下呢 D 資訊. 福利方面, 亦較香港好好多. 但政府行家長政策, 比較死板.

年輕人好容易置業. 因你一想申請結婚, 政府會反過黎提供超低息貸款比你買樓. 等你可以安居樂業. 小孩讀書方面, 一般公立學校不過玻幣 $15 學費一個月. 負擔好輕. 政府好鼓勵國民多生育的.

唔好處係當地較沉悶喇. shopping D 野, 比起香港質數差 D lor. 娛樂場所唔太多. 最多都係戲院, disco 同埋飲酒既地方. 因佢地都幾祟外 ka. 成日扮鬼佬. 睇戲有時得英文冇字幕 tim ka. 廣東話戲就變晒國語 lor.

我老婆是星加坡人, 嫁咗來香港20幾年啦, 到星加坡亦無數次.

你問我, 我就覺得沒有其他地方比香港好.

一年四季恨死好多星加坡人, 星加坡成年都熱, 無變化, 總之好熱.
空氣較香港好, 不過上幾個月印尼的山火, 攪到我喺星加坡咁耐, 隻眼就痛咁耐.
住屋事實較香港平好多, 質素未必.
星加坡的文化與香港有很多同亦有很多不同, 很難說, 但星加坡主要由幾個民俗組成, 而受英式文化影響甚短, 大部分上一代都是中國移民, 整體華人3, 4十歲以上的較土氣. 有很多傳統源自早期中國. 他們與台灣人似多啲.
當然飲食文化受不同民俗, 地域等影響, 與香港完全不同.
政治當然港式較多民主開放. 星加坡是好和諧的, 因(好似)得一個最多兩個反對黨議員.
10多20年前, 星加坡的確很清潔, 較守法, 不過現在, 好似香港乾淨啲.
經濟差唔多啦, 不過政府有很大參與和干預.

不過請你不要, 亦無需比較, 因為人比人, 比死人, 每個城市有她的優點亦有她的缺點, 你睇我好, 我睇你好啫. 不可能單憑幾樣嘢來決定邊個好d咁武斷.

新加坡主要是由來自南亞和鄰近國家如印度、馬來西亞、印尼、孟加拉等等，但華人也是主要族群之一。各個族群相處也非常融洽，甚少出現種族衝突，可能是每個族群都有自己的聚集社區。

香港則以華人社會為主，其次便是印度和巴基斯坦人，也有來自很多不同國家，但為數不算多。

至於兩地的差異，大部份人都覺得新加坡政府太尊制，人民沒多大自主權，一切都由政府掌管和控制。因為這樣，新加坡人常被人笑作「應聲蟲」或「yes man」。在新加坡生活比較平淡，但政府的果斷決策每每將新加坡帶到另一高峰，這是香港政府自 97 後至今都沒法做到。嚴格來講，新加坡政府是獨裁，但政府並沒有剝削人民，反而令新加坡成為一個國際知名的清潔和先進城市。本人每次到新加坡工幹都覺得新加坡這地方很不錯，只是生活略為乏味一點，所以移民我不會選擇新加坡。

至於香港，本人在此地出生和長大，對香港有著很深厚的感情。但隨著 97 回歸祖國後，此感覺也逐漸地流失。不要誤會，我並非對祖國有抗拒，而是對香港政府的極度失望所致。眼看社會是何等地鬆散和極度分化，政府的處事無能實在令到我非常心痛和失望。社會上正處於兩極化，香港人正面對大陸人的入侵，每日的配額移民，也令到香港人完全失去了安全感。因為兩地人的生活與文化實在相差太遠，大陸人在香港時仍然帶著在大陸生活那套模式，試問香港在這麼多年來已建立好的生活秩序一下子被破壞，這做成香港人自己顧自己的心態更明顯。另外，新一代也是一個令人頭痛的事。在毒品、不良風氣影響下，年青一代的品格已盪然無存，但這也不只是局限於香港，世界名地都有同樣問題。但在本人心目中的香港已非理想地。

總結新加坡和香港兩地，當中還有很多比較和分析要顧及，本人的意見可能未盡客觀，但還是覺得新加坡的居住條件比香港好一點。